સરકારની ચીમકી બાદ પણ આરોગ્ય કર્મચારીઓએ હડતાલ યથાવત રાખી

વડાપ્રધાન નરેન્દ્ર મોદીએ 16 જાન્યુઆરીથી દેશમાં કોરોના સામે રક્ષણ માટે રસીકરણની શરૂઆત કરાવી છે. ત્યારે રાજ્યમાં પંચાયત હસ્તકના સરકારી આરોગ્ય કર્મચારીઓ ગ્રેડ પે ને લઈને હડતાલ કરી રહ્યા છે. રાજ્ય સરકાર સાથે કરેલી ચર્ચા પણ નિષ્ફળ નીવડી છે, ત્યાર બાદ રાજ્ય સરકારે કર્મચારીઓને હાજર થવાની કડક સૂચના આપી હતી અને કાયદેસર કાર્યવાહી માટેની ચીમકી પણ આપી હતી, પરંતુ આની પણ અસર કર્મચારીઓ પણ નહિવત થઇ હોવાનું સામે આવ્યું છે. જેમાં સરકારી કર્મચારીના આગેવાનોએ જણાવ્યું હતું કે, જ્યાં સુધી સરકાર અમારી માંગ પૂર્ણ નહીં કરે ત્યાં સુધી હડતાળ યથાવત રાખવામાં આવશે.

• પંચાયત આરોગ્ય કર્મચારીઓની હડતાલ યથાવત
• સરકારની ચીમકીની ઘોળીને પી ગયા કર્મચારીઓ
• ગેેડ પે વધારવાની કરી રહ્યા છે માંગ

ગાધીનગરઃ રાજ્ય સરકારમાં પંચાયત હેઠળના આરોગ્ય કર્મચારીઓ જાન્યુઆરીથી ગ્રેડ પે વધારવાના મુદ્દે હડતાળ પર છે. સરકારના રસીકરણનો વિરોધ કરી રહ્યા છે, ત્યારે રસીકરણના કામમાં કોઈ અવરોધ ન આવે તે માટે સરકારે હવે કડક વલણ દાખવ્યું છે. તમામ કર્મચારીઓને હડતાળ પૂર્ણ કરીને તાત્કાલિક હાજર થવાની સૂચના આરોગ્ય વિભાગ દ્વારા 18 જાન્યુઆરીના રોજ આપવામાં આવી હતી.

હડતાલ પૂર્ણ કરો નહિ તો સર્વિસ પૂર્ણ

ગુજરાત રાજ્યના આરોગ્ય કમિશ્નર જયપ્રકાશ શિવહરે 18 જાન્યુઆરીના રોજ સ્પષ્ટ શબ્દોમાં જણાવ્યું હતું કે, રાજ્ય પંચાયતના આરોગ્ય કર્મચારીઓ તાત્કાલિક હડતાલ પૂર્ણ કરીને ફરજ પર હાજર થાય અને જો હાજર નહીં થાય તો ગેરહાજર તમામ કર્મચારીઓ સામે શિક્ષાત્મક પગલાં અને અનઅધિકૃત રીતે ફરજ પર ગેરહાજર ગણીને સર્વિસ બ્રેક મુજબના પણ નિર્ણય લેવામાં આવશે. જેથી જો કોઈપણ કર્મચારીઓ હડતાળ પૂર્ણ કરી ફરજ પર નહીં પરત ફરે તો તેઓની નોકરી પણ ગુમાવવાનો વારો આવશે.

જાહેર જનતાની માફી માંગીએ છીએ