ગાંધીનગરઃ રાજ્યમાં લોકડાઉન અમલી છે, ત્યારે બેંક સહિતની અનેક કચેરીઓ દ્વારા બિલ ભરવાનો સમય લંબાવી દીધો છે. પરંતુ કેટલીક કંપનીઓ દ્વારા આવા કપરા સમયમાં પણ ઉત્તર પરિવર્તન ચાલુ રાખવામાં આવ્યું છે. અરજદારોને વધારે પેનલટી રૂપે નાણાં ભરવા ના પડે તે માટે કચેરીઓમાં જઈને બિલ ભરી રહ્યા છે. પરંતુ ક્યાંક કચેરીના કર્મચારીઓ દ્વારા જ લોકડાઉનના સમયનો દુર ઉપયોગ કરવામાં આવતો હોય તેવું જોવા મળી રહ્યું છે.
સેક્ટર 11માં આવેલી BSNL કચેરી અરજદારો માટે ચાલુ રાખવામાં આવી છે. બિલ સહિત સ્વીકારવામાં આવી રહ્યા છે, પરંતુ આ માત્ર દેખાડા ખાતર ચાલુ રાખવામાં આવી હોય તેવું જોવા મળી રહ્યું છે. આજે ઉદ્યોગ ભવનના મોટાભાગના કર્મચારીઓ પોતાના કનેક્શનના બીલ ભરવા માટે કચેરીમાં ગયા હતા. બપોરના એક વાગ્યાથી લઈને બે વાગ્યા સુધી તેઓ કચેરીમાં બેસી રહ્યા હતા, પરંતુ નાણા સ્વીકારવા માટે એક પણ કર્મચારી ટેબલ ઉપર જોવા મળતા ન હતા.
જેને લઇને અરજદારોમાં રોષ જોવા મળતો હતો. કચેરીનો સમય 11 થી 2 વાગ્યાનો હોવા છતાં નાણા સ્વીકારવા માટે કર્મચારીઓ જોવા નહી મળતા અરજદારો ત્રાહિમામ પોકારી ગયા હતા. બીજી તરફ BSNL કચેરીમાં આ પ્રકારની સમસ્યા પહેલીવાર જોવા નથી મળી BSNLના કર્મચારીઓની આદતથી મજબુર થઈ ગયા હોય તેવું છે. દિવસ દરમિયાન પણ લોકોને પારાવાર હાલાકી નો સામનો કરવો પડતો હોય છે, ત્યારે તંત્રમાં સુધારો આવે તેવું લોકો ઇચ્છી રહ્યા છે.
