ગાંધીનગરમાં કોરોના વેક્સિનના 15 સેન્ટર 5 દિવસ પછી ફરી શરૂ, રોજ 100 લોકોને અપાય છે વેક્સિન

ગાંધીનગર શહેર અને તેની આસપાસના 15 સેન્ટર પર 5 દિવસ પછી ફરી એક વાર વેક્સિનની કામગીરી શરૂ કરવામાં આવી છે. એક સેન્ટર પર 100 જેટલા લોકોને વેક્સિન આપવામાં આવી રહી છે, પરંતુ હજી પણ રજિસ્ટ્રેશન કરવામાં ધાંધિયા થઈ રહ્યા છે. યુવાનોએ વેક્સિનની ધીમી કામગીરીને લઈને રોષ ઠાલવ્યો છે. કેમ કે, ઘણા દિવસથી પ્રયત્નો કર્યા બાદ જ રજિસ્ટ્રેશન થાય છે, જેનું બીજું કારણ વેક્સિનનો અપૂરતો જથ્થો છે. શિડ્યુઅલ ન મળવાના કારણે પાંખી હાજરી વચ્ચે વેક્સિનેશન થઈ રહ્યું છે.

• 5 દિવસ બાદ છઠ્ઠા દિવસે શરૂ કરવામાં આવ્યું વેક્સિનેશન
• ગાંધીનગરના 15 સેન્ટર પર આપવામાં આવી રહી છે વેક્સિન
• રજિસ્ટ્રેશન કરવામાં ધાંધિયા હોવાથી પાંખી હાજરી વચ્ચે વેક્સિનેશન
• યુવાનોએ વેક્સિનની ધીમી કામગીરીને લઈને રોષ ઠાલવ્યો

ગાંધીનગરઃ ગાંધીનગરમાં ગુરૂવારથી ફરી વેક્સિનેશનની કામગીરી જુદા જુદા 15 જેટલા સેન્ટર પરથી શરૂ કરવામાં આવી છે, જેમાં એક જ સેન્ટર પર 100થી વધુ લોકોને જ વેક્સિન મળશે. તેમાં 18થી વધુ વર્ષની ઉંમરના લોકોએ રજિસ્ટ્રેશન કરાવવું ફરજિયાત છે, પરંતુ આ રજિસ્ટ્રેશનમાં પણ હજી ધાંધિયા છે, જેના કારણે વેક્સિન લેવા આવેલા કેટલાક લોકોએ પોતાનો રોષ પણ ઠાલવ્યો હતો. જેમને વેક્સિનની ધીમી અને નબળી કામગીરીને થઈ રહી છે તેવું જણાવ્યું હતું. જોકે, ખાસ કરીને રજિસ્ટ્રેશનમાં અને શિડ્યુલ ન મળવાના કારણે ઘણી સમસ્યા સર્જાઈ રહી છે.

રજિસ્ટ્રેશન કરવામાં ધાંધિયા હોવાથી પાંખી હાજરી વચ્ચે વેક્સિનેશન

આ પણ વાંચો- સુરતના ભીમપોર વિસ્તારમાં રસીકરણના ટોકન લેવા માટે લોકોની પડાપડી

ગાંધીનગરમાં સેન્ટર વધુ પરંતુ વેક્સિનનો જથ્થો બહુ ઓછો, 18 વર્ષથી ઉપરના માટે 10 સેન્ટરો શરૂ

ગાંધીનગરમાં 18 વર્ષથી ઉપરના લોકો માટે 10 સેન્ટરો શરૂ છે. સેન્ટરો તો વધુ છે, પરંતુ વેક્સિન જ બહુ ઓછી છે, જેની સામે વેક્સિન લેનારની સંખ્યા વધુ છે. એક જ દિવસમાં 100 જેટલા લોકોને વેક્સિન આપવાનું સેન્ટર પરથી નક્કી કરાયું હતું ત્યારે સેક્ટર- 21ના સેન્ટર પરથી વાત કરતા જાણવા મળ્યું હતું કે, થોડા દિવસ શરૂઆતમાં 100 તેમજ 150 જેટલા લોકોને વેક્સિન આપવામાં આવશે, પરંતુ જે યુવાનો વેક્સિન લેવા માટે આવ્યા હતા પણ વેક્સિનની ધીમી કામગીરીને લઈને યુવાનોમાં ખૂબ જ રોષ જોવા મળ્યો હતો. યુવાનોનું કહેવું છે કે, વેક્સિનની કામગીરી બહુ જ ધીમી થઇ રહી છે. રજિસ્ટ્રેશન વારંવાર કરીએ છે, છતાં પણ નથી થતું. એક અઠવાડિયા સુધી સતત રજિસ્ટ્રેશન કર્યા બાદ માંડ-માંડ રજિસ્ટ્રેશન થાય છે. જે રજિસ્ટ્રેશન થાય છે તો શિડ્યુઅલ નથી આવતું, જેના કારણે વેક્સિન લેવી હોય તે છતાં પણ ઘણો સમય રાહ જોવી પડે છે.

ગાંધીનગરના 15 સેન્ટર પર આપવામાં આવી રહી છે વેક્સિન

આ પણ વાંચો- વેક્સિનની ફાળવણી અંગે સવાલ - સરકારી આરોગ્ય કેન્દ્રમાં માત્ર 100 ડોઝ, તો ડ્રાઇવ થ્રુ વેક્સિનેશનમાં પુરતો જથ્થો કેમ?

ગાંધીનગર સિટીમાં અત્યાર પૂરતો એક વીકથી દસ દિવસ સુધી ચાલે એટલો જથ્થો

ગાંધીનગરમાં અત્યાર પૂરતો 10,000 વેક્સિનના ડોઝનો જથ્થો છે. જોકે, 10 સેન્ટર ઉપરાંત 45થી વધુ ઉંમરના લોકો માટે અન્ય 5 સેન્ટરો PHC લેવલે ચાલે છે. 15 જેટલા સેન્ટરો વેક્સિનેશન માટે ગાંધીનગરમાં ચાલે છે. દરરોજ એક સેન્ટર પર 100 જેટલા લોકોને વેક્સિન આપવામાં આવી રહી છે. આથી એક અઠવાડિયાથી લઈ 10 દિવસ જેટલો જ જથ્થો તંત્ર પાસે ઉપલબ્ધ છે. ફરી આ જથ્થો ખૂટશે ત્યારે વેક્સિંનની તાતી જરૂરિયાત પડશે. અત્યારે 100 જેટલા લોકોને વેક્સિન આપવામાં આવી રહી છેય બની શકે છે કે તેનાથી પણ અડધી સંખ્યામાં લોકોને વેક્સિન આપવાની કામગીરી કરવામાં આવે. એક બાજુ લોકોને વેક્સિનેશન માટે અપીલ કરવામાં આવી રહ્યા છે ત્યારે બીજી બાજુ બે થી ત્રણ ગણાથી પણ વધુ લોકો દિવસમાં વેક્સિન લીધા વિના જ રહી જાય છે. ઘણા લોકોને સેન્ટર ઉપર લથી પાછા પણ ફરવું પડી રહ્યું છે.