રાજ્યમાં પહેલીવાર પાટનગરની ITIમાં તાલીમાર્થીઓનું કોન્વોકેશન યોજાયું, એક મહિનાની મહેનત ફળી

સામાન્ય રીતે કોલેજો અને યુનિવર્સિટીઓમાં વિદ્યાર્થીઓને ડિગ્રી સર્ટિફિકેટ આપવાના સમયે કોન્વોકેશન યોજવામાં હોય છે. પરંતુ કોઈ ઇન્ડસ્ટ્રિઅલ ટ્રેઇનિંગ ઇન્સ્ટિટયૂટ (ITI) માં કોન્વોકેશન યોજવામાં આવ્યું હોય તેવી ગાંધીનગરની ITI પહેલી બની છે. ITIના અધિકારી અને કર્મચારીઓની એક મહિનાની મહેનત બાદ આ કાર્યક્રમ સફળ થયો હતો. જ્યારે અન્ય ITI ને શ્રેષ્ઠ ઉદાહરણ પૂરું પાડ્યું હતું.

• રાજ્યમાં યોજાયો સૌપ્રથમ ITI પદવીદાન સમારોહ
• ગાંધીનગર ITI બની આવો સમારોહ યોજનાર પ્રથમ સંસ્થા
• એક મહિનાની મહેનત બાદ સફળ થયો કાર્યક્રમ
  
  ગાંધીનગરઃ ઇન્ડસ્ટ્રિઅલ ટ્રેઇનિંગ ઇન્સ્ટિટયૂટમાં (ITI) તાલીમ મેળવ્યા બાદ ઔદ્યોગિક એકમોમાં નોકરી માટેની તક મળતી હોય છે. પરંતુ હવેના યુવાનોમાં ITI પ્રત્યેની માનસિકતા બદલાઈ રહી છે. તેની સાથે જ રોજગારી મેળવવા માગતા યુવકો અને યુવતીઓ ITI તરફ આકર્ષાય તે માટે સંસ્થાનો સ્ટાફ અથાગ પ્રયાસ કરી રહ્યો છે, તેવા સમયે ગાંધીનગરની મહિલા ITI દ્વારા અન્ય ITI માટે એક ઉત્તમ ઉદાહરણ પૂરું પાડવામાં આવ્યું છે.
  

  ગાંધીનગર આઈટીઆઈ બની આવો સમારોહ યોજનાર પ્રથમ સંસ્થા

• ITI તાલીમાર્થીઓ માટે ઐતિહાસિક પ્રસંગ બન્યો સમારોહ
  
  ગાંધીનગરની મહિલા ITIની 76 બેચના તાલીમાર્થીઓ માટે ITIના ઈતિહાસમાં ન બની હોય તેઓ પ્રસંગ નિર્માણ કરવામાં આવ્યો હતો. ITIના પ્રિન્સિપાલ હિમાંશુ ચૌધરીની આગેવાનીમાં તાલીમાર્થીઓને પ્રોત્સાહન મળી રહે તે માટે કોન્વોકેશન સેરેમનીમાં યોજવામાં આવી હતી. ફેશન ડિઝાઇનિંગ ટેકનોલોજી, કોમ્પ્યુટર ઓપરેટર, સુઈંગ ટેક્નોલોજી,કોસ્મોલોજી અને હેલ્થ સેનેટરી ઇન્સ્પેકટર બ્રેડમાંથી પ્રથમ ત્રણ આવનાર તાલીમાર્થીઓને પ્રમાણપત્ર આપી સન્માનિત કરવામાં આવ્યાં હતાં. કાર્યક્રમમાં મોટી સંખ્યામાં આઇટીઆઇના અધિકારીઓ, કર્મચારીઓ અને તાલીમાર્થી બહેનો હાજર રહી હતી.