આખરે તાલુકા પંચાયત પ્રમુખ ઉપપ્રમુખની ચૂંટણીમાં ભાજપનું જોર ન ચાલ્યું, કોંગ્રેસનો વિજય

સત્તાની સાઠમારીમાં ગાંધીનગર તાલુકા પંચાયત ચૂંટણીમાં છેવટે કોંગ્રેસે જ બાજી મારી લીધી હતી. 9 સપ્ટેમ્બરે પ્રમુખ ઉપપ્રમુખ પદની ચૂમટણીમાં ભાજપના સભ્યોએ ભારે ધાંધલધમાલ મચાવી ચૂંટણી મુલતવી રખાવી હતી પણ છેવટે આજે ફરી ચૂંટણી યોજાઈ હતી. જેમાં આખરે કોંગ્રેસના સભ્યો ચૂંટણી જીતી ગયાં હતાં.

ગાંધીનગરઃ ગાંધીનગર તાલુકા પંચાયતમાં પ્રમુખ ઉપપ્રમુખની અઢી વર્ષની મુદત પુર્ણ થયા બાદ આજે ફરીથી ચૂંટણી યોજાઈ હતી. ગાંધીનગર કલેકટર કચેરીના સમિતિ ખંડમાં પોલીસ બંદોબસ્ત વચ્ચે યોજાયેલી ચૂંટણીમાં કોંગ્રેસના પ્રમુખ અને ઉપપ્રમુખ બહુમતીથી ચૂંટાઇ આવ્યાં હતાં. કોંગ્રેસના પ્રમુખ ઉપપ્રમુખને 16 મત, જ્યારે ભાજપના પ્રમુખ-ઉપપ્રમુખને 11 મત મળતા તેમનો પરાજય થયો હતો. આખરે ભાજપનો સત્તાનું જોર ચાલ્યું ન હતું અને કોંગ્રેસનો વિજય થયો હતો.

આખરે તાલુકા પંચાયત પ્રમુખ ઉપપ્રમુખની ચૂંટણીમાં ભાજપનું જોર ન ચાલ્યું, કોંગ્રેસનો વિજય

ગત 9 સપ્ટેમ્બર રોજ ગાંધીનગર તાલુકા પંચાયતના પ્રમુખ ઉપપ્રમુખની ચૂંટણી માટેની પ્રક્રિયા હાથ ધરવામાં આવી હતી. પરંતુ ભાજપના રદ થઈ ગયેલા 6 સભ્યોએ દેકારો મચાવ્યો હતો. આ પ્રક્રિયાને ચાલવા દીધી ન હતી. પરિણામે કલોલ પ્રાંત ઓફિસર અને અધ્યાસી અધિકારી અલ્પેશ જોશીએ આ પ્રક્રિયાને મોકૂફ રાખી હતી. મહાનગરપાલિકામાં સમાવેશ કરાયેલા 18 ગામના સરપંચોની મુદત પૂર્ણ કરી દેવામાં આવી છે તેની સાથે જ તાલુકા પંચાયતની કુલ 9 બેઠક રદ થઈ છે. જેમાં 3 કોંગ્રેસ અને 6 ભાજપના સભ્યોનો સમાવેશ થાય છે. ત્યારે આજની ચૂંટણીમાં કોંગ્રેસ વિજય થતા ભાજપના 6 સભ્યોએ મતદાનમાં ભાગ લેવા માટે કોર્ટનું શરણું લીધું છે.

કલેકટર કચેરીના સમિતિ ખંડમાં આજે યોજાયેલી તાલુકા પંચાયતની પ્રમુખ ઉપપ્રમુખની ચૂંટણીમાં કોંગ્રેસના પ્રમુખ ઉપપ્રમુખ ચૂંટાઈને આવ્યાં છે. ત્યારે જિલ્લા કોંગ્રેસ પ્રમુખ સૂર્યસિંહ ડાભીએ કહ્યું હતું કે, સત્યનો વિજય થયો છે. ભાજપનું સત્તાનું જોર ચાલતું નથી, કોંગ્રેસની બહુમતી હોવા છતાં ભાજપે 9 સપ્ટેમ્બરે ચૂંટણી રોકાવી હતી, પરંતુ આખરે તો વિજય થયો જેની અમને આશા હતી.ગત 9 સપ્ટેમ્બરના રોજ ભાજપના સભ્યો દ્વારા ધાંધલધમાલ કરવામાં આવી હતી. પંખા અને ટેબલને નુકસાન કરવામાં આવ્યાં હતાં. તેવા સમયે આજની ચૂંટણી પ્રક્રિયામાં પોલીસે તમામ સભ્યોને ચૂંટણી પ્રક્રિયાની અંદર મોબાઈલ લઈ જતાં અટકાવ્યાં હતાં.