ગાંધીનગરઃ ભાજપ પ્રદેશ પ્રવક્તા ભરત પંડયાએ જણાવ્યું હતું કે,મુંબઈ-પાલઘર પાસે બે સાધુ-સંન્યાસી અને એક ડ્રાઈવરની એમ કુલ ૩ હત્યાંના મીડિયા-સોશિયલ મીડિયા પર આવેલ દ્રશ્યો કોઈપણ વ્યક્તિ માટે આઘાતજનક, શરમજનક અને દુ:ખદ છે.
તેમાં પોલીસની ઉપસ્થિતિ અને નિષ્ક્રિયતા વધુ આઘાતજનક છે. આ પ્રકારની શૈતાનને પણ શરમાવે તેવી ક્રૂર ઘટનાને ભાજપ સખ્ત શબ્દોમાં વખોડી કાઢે છે. અને ત્રણેય વ્યક્તિઓને હ્રદયપૂર્વકની શ્રદ્ધાંંજલિ આપે છે.
મહારાષ્ટ્ર સરકાર દ્વારા સાધુસંતો અને લોકોની લાગણી-આક્રોશને ધ્યાનમાં લઈને હત્યારાઓને આવી ક્રૂરતા બદલ તાત્કાલિક પકડીને કડકમાં કડક સજા આપવાની ભાજપ માગણી કરે છે.
