ગાંધીનગર: સ્થાનિક સ્વરાજની ચૂંટણીઓમાં બહુ ગાજેલી આમ આદમી પાર્ટીની ગુજરાત વિધાનસભાની ચૂંટણીઓ (gujarat assembly election 2022) પહેલા ડૂબતા જહાજ જેવી હાલત થઇ છે. પરિસ્થિતિ એવી આવી છે કે, જેમ ડૂબતા જહાજમાંથી ઉંદરડા પહેલાં ભાગે તેમ આમ આદમી પાર્ટીમાંથી કાર્યકરો (AAP Workers Gujarat) ભાગી રહ્યા છે. પહેલાં તો વિજય સુવાળાના પક્ષપલટા બાદ મહેશ સવાણીએ પણ પાર્ટીમાંથી રાજીનામું (Mahesh Savani Resigns From AAP)આપ્યું હતુ.
નાની પાર્ટીમાંથી મોટી પાર્ટીમાં આવવાનો રસ્તો
અમદાવાદ શહેરના પાર્ટીના યુવા ઉપાધ્યક્ષ નીલમબેન વ્યાસ પણ ભાજપમાં જોડાયા હતા. તો આજે વધુ કેટલાક હોદ્દેદારો ભાજપ પ્રદેશ મહામંત્રી પ્રદીપસિંહ વાઘેલાની ઉપસ્થિતિમાં ભાજપ સાથે જોડાયા હતા. આમ આદમી પાર્ટીને સીડી બનાવીને કેટલાય કાર્યકરો ભાજપમાં આયાતી બની રહ્યા છે.
આ પણ વાંચો: Patil's message to Congress MLA: કોંગ્રેસના ધારાસભ્યો માટે ભાજપમાં 'No Entry'
બીજેપીમાં આજે કોણ કોણ જોડાયું?
આજે પ્રદેશ ભાજપ કાર્યાલય કમલમ (BJP Gujarat State Office Kamalam) ખાતે આમ આદમી પાર્ટીના ઉત્તર ઝોન (AAP President of the North Zone)ના પ્રમુખ મનોજ દરજી, ગાંધીનગર જિલ્લા મહિલા મોરચાના પ્રમુખ સાવિત્રી શર્મા, માણસા તાલુકાના સંગઠન મંત્રી પ્રવિણ ઠાકોર, માણસા તાલુકાના સહમંત્રી પંકજ પરમાર, માણસા તાલુકાના ઉપપ્રમુખ અજય સિંહ ચાવડા ભાજપમાં જોડાયા હતા.
આમ આદમી પાર્ટી કમ્યુનિસ્ટ છે : પ્રદીપસિંહ વાઘેલા
આ પ્રસંગે પ્રદેશ ભાજપ મહામંત્રી પ્રદીપ સિંહ વાઘેલાએ જણાવ્યું હતું કે, આમ આદમી પાર્ટી દેશમાં અરાજકતા ફેલાવીને જનતાને ગેરમાર્ગે દોરે છે. કોમ્યુનિસ્ટ પાર્ટીનું સુધરેલું વર્ઝન એટલે આમ આદમી પાર્ટી.
આ પણ વાંચો: પાટણના સાંસદ ભરતસિંહ ડાભી થયા કોરોના સંક્રમિત
