ગાંધીનગર :રાજ્યસભાની ચૂંટણી પહેલાં કોંગ્રેસ પક્ષમાંથી રાજીનામું આપનારા ધારાસભ્યો પૈકી પાંચ ધારાસભ્યોએ આજે ભાજપ પક્ષમાં સત્તાવાર એન્ટ્રી કરી હતી જ્યારે બાકી ત્રણ ધારાસભ્યો બાબતે હજી સુધી કોઈ જ ખુલાસો કરવામાં નથી આવ્યો. બાકીના ત્રણ ધારાસભ્યો ક્યારે ભાજપમાં જોડાશે તેના જવાબમાં ભાજપા પ્રમુખ જીતુ વાઘાણીએ જણાવ્યું હતું કે ભાજપ પક્ષ તમામ લોકો માટે ખુલ્લો છે. કોઈપણ વ્યક્તિ ભાજપ પક્ષમાં જોડાઈ શકે છે જ્યારે કોંગ્રેસના ધારાસભ્યોએ પક્ષની અંદર ચાલતી રાજરમત અને આંતરિક ઝઘડાના કારણે રાજીનામું આપ્યું છે. જ્યારે રાજ્યસભાના ઇલેક્શન દરમિયાન કોંગ્રેસ પોતાના ધારાસભ્યોને રિસોર્ટમાં લઈ ગયા હતાં ત્યારે પણ બંને ઉમેદવારો નહીં પરંતુ કયા ઉમેદવારોને જીતાડવાં તે બાબત પણ ઝઘડાઓ ચાલી રહ્યાં હોવાના આક્ષેપો કર્યા હતાં.
કોંગ્રેસના 5 ધારાસભ્યોએ ભાજપનો ખેસ ધારણ કર્યો, હવે વિકાસ વધુ થશેના મંત્ર સાથે ભાજપ પક્ષની વાહવાહી કરી ઉલ્લેખનીય છે કે પાંચ ધારાસભ્યોમાં જે.વી. કાકડીયા, બ્રિજેશ મેરજા, પ્રદ્યુમ્નસિંહ જાડેજા, જીતુ ચૌધરી, અક્ષય પટેલે ભાજપ પ્રમુખ જીતુ વાઘાણીના હસ્તે કેસરીયો ધારણ કર્યો હતો ત્યારે જે વી કાકડિયાએ તથા તમામ ધારાસભ્યોએ કોંગ્રેસ પક્ષમાં ચાલી રહેલા આંતરિક ઝઘડાના કારણે રાજીનામું આપ્યાં હોવાનું નિવેદન આપ્યું હતું. આ સાથે જ પ્રદ્યુમ્નસિંહ જાડેજા, જીતુ ચૌધરી અને અક્ષય પટેલે પણ કોંગ્રેસ ઉપર આકરા પ્રહારો કર્યાં હતાં. જ્યારે જીતુ ચૌધરીએ અમિત શાહના બદલે અમિત ચાવડાને દેશના સારા નેતા પણ ગણાવ્યાં હતાં આમ ધારાસભ્યો તરીકે નહીં પરંતુ એક સૈનિક તરીકે ભાજપ પક્ષમાં જોડાયાં હોવાનું નિવેદન પણ મોરબીના પૂર્વ ધારાસભ્ય બ્રિજેશ મેરજા કર્યું હતું..ઉલ્લેખનીય છે કે ચાલુ ધારાસભ્ય પદ પરથી રાજીનામું આપ્યા બાદ આવનારી આગામી વિધાનસભા પેટાચૂંટણીમાં ટિકિટ મળશે કે નહીં તે બાબતે ભાજપના પ્રમુખ જીતુ વાઘાણી મૌન સેવ્યું હતું. આ ઉપરાંત પાર્ટી જે નક્કી કરશે તેમને જ ટિકિટ આપવામાં આવશે. સાથે જ પાંચ ધારાસભ્યો પૈકી એક પણ ધારાસભ્ય ટિકિટ માટે મૌન તોડ્યું ન હતું. જ્યારે અગાઉ રાજીનામાં દરમિયાન ધારાસભ્યોને પેટાચૂંટણીની ટિકિટ આપવાની બાહેંધરી આપી હોવાનું પણ બહાર આવી રહ્યું હતું ત્યારે ભાજપમાં જોડાયાં બાદ એક પણ પૂર્વ ધારાસભ્યો એ ટિકિટ બાબતે કંઈ પણ કહેવા માટે તૈયાર ન હતાં. •
કમલમમાં કાર્યક્રમ દરમિયાન સોશિઅલ ડિસ્ટન્સ ભૂલાયુંકોંગ્રેસના 5 ધારાસભ્યોએ આજે ભાજપના મુખ્ય કાર્યાલય ખાતે ભાજપનો કેસરિયો ધારણ કર્યો હતો તે દરમિયાન કમલમ ખાતે સોસિયલ ડિસ્ટન્સના લીરેલીરા ઉડ્યાં હતાં. જ્યારે ભાજપ પ્રદેશ પ્રમુખ પણ મીડિયાને માસ્ક પહેર્યા વગર જ સંબોધી રહ્યાં હતાં અને કેન્દ્રમાં વડાપ્રધાન નરેન્દ્ર મોદી, અમિત શાહ સાથે જે પી. નડ્ડાની કામગીરી વખાણી રહ્યાં હતાં સાથે જ કેન્દ્ર સરકારના નિયમોની પણ માસ્ક દાઢીએ રાખીને મજાક કરી રહ્યાં હોય તેવું લાગી રહ્યું હતું.
