- દમણ બસ સ્ટેશનમાં ટોયલેટ લીકેજ
- મોબાઈલ ટોયલેટની ગંદકીથી લોકો ત્રસ્ત
- મળમૂત્રની ટાંકી લીકેજ હોવાથી અસહ્ય બદબુદમણ બસ સ્ટેશને પ્રવાસીઓ મળમૂત્રની બદબુથી પરેશાન
દમણ: સંઘ પ્રદેશના બસ સ્ટેશને વાપી આસપાસના શહેરોના લોકલ સહેલાણીઓ બસ મારફતે મોટી સંખ્યામાં આવતા હોય છે. આ સહેલાણીઓ અને આસપાસની જનતાની સુવિધા માટે પ્રશાસન દ્વારા બસ ડેપો નજીક મોબાઈલ ટોયલેટ વાન મુકવામાં આવી છે, પરંતુ ખાટલે મોટી ખોડ એ કે લોકોના મળમૂત્રનો સંગ્રહ કરતી આ મોબાઈલ ટોઇલેટની જ ટાંકી લીકેજ છે. જેથી તમામ મળમૂત્ર ટોઇલેટની ટાંકીમાં સંગ્રહ થવાને બદલે નીચે વહી જાય છે. જેને કારણે ગંદકી ફેલાતા આસપાસની સ્થાનિક જનતાને ભારે તકલીફનો સામનો કરવો પડે છે.
![દમણ](https://etvbharatimages.akamaized.net/etvbharat/prod-images/gj-dmn-03-bus-station-dirt-vis-gj10020_13012021191350_1301f_1610545430_1071.jpg)
પ્રવાસીઓએ મોઢે બાંધવા પડે છે રૂમાલ
અહીં રોજ સરકારી બસો ઉભી રહે છે. નજીકમાં જ રિક્ષા અને ટેક્ષી સ્ટેન્ડ પણ આવેલા છે. એટલે રોજબરોજના હજારો લોકો આ રસ્તેથી પસાર થતા હોય છે. આ લોકો કદાચ કોરોના કાળમાં મોઢે માસ્ક નહીં બાંધતા હોય પણ અહીં પસાર થવા માટે દરેક વ્યક્તિએ ટોઇલેટની લીકેજ ટાંકીના પ્રતાપે ફરજીયાત મોઢે રૂમાલ બાંધવો પડે છે.
![દમણ](https://etvbharatimages.akamaized.net/etvbharat/prod-images/gj-dmn-03-bus-station-dirt-vis-gj10020_13012021191350_1301f_1610545430_604.jpg)
બદબુ મારતા ટોયલેટને બદલવા માગ
દમણ પ્રશાસન પ્રદેશને સ્વચ્છ અને સુરક્ષિત બનાવવા માટે અનેક વિકાસલક્ષી પ્રોજેક્ટો હાથ ધરી રહ્યું છે, ત્યારે દમણની વચ્ચોવચ્ચ ફેલાયેલી આ ગંદકીની ભરમાર દૂર કરવા પ્રશાસન મોબાઈલ ટોયલેટને બદલે અથવા તો તેનું સમારકામ હાથ ધરીને અહીંની ગંદકી દૂર કરે તેવી માગ સ્થાનિક લોકોમાં ઉઠી છે.
![દમણ](https://etvbharatimages.akamaized.net/etvbharat/prod-images/gj-dmn-03-bus-station-dirt-vis-gj10020_13012021191350_1301f_1610545430_1087.jpg)