ભાવનગરઃ શહેરમાં શ્વાનની સંખ્યા વધી રહી છે તેની પાછળનું કારણ મહાનગરપાલિકા દ્વારા કરાયેલા સર્વે અને ખસીકરણ બાદ પાંચ વર્ષે કરવામાં આવતી પ્રક્રિયા કાગળ પર છે. પરંતુ, જમીન પર ઉતરી નથી. શ્વાન કરડવાના કેસો મોટી સંખ્યામાં નોંધાઈ રહ્યા છે. શ્વાન પાલતુ હોવાથી શાકભાજી વાળા પાછળ ટમેટાના લોભમાં શેરીએ શેરી પાછળ ફરતા જોવા મળે છે તો વૃદ્ધો અને વાહન ચાલકો તેની સંખ્યા મર્યાદિત કરવા માંગ પણ કરી રહ્યા છે.
ભાવનગર શહેરની વસ્તી 7 લાખથી વધારે છે. ત્યારે મહાનગરપાલિકા દ્વારા શ્વાનની ગણતરી દર પાંચ વર્ષે કરવામાં આવતી હોય છે. પરંતુ, શહેરમાં હાલ શ્વાનની સંખ્યા 8થી 9 હજાર આસપાસ પહોંચી ગઈ છે. ગલીઓમાં નીકળતા શાકભાજી વાળા પાછળ શ્વાન દોડતા નજરે ચડે છે. અહીંયા શ્વાન કરડવા નહીં પરંતુ ટામેટાના લોભમાં તેની પાછળ ફરે છે પણ શ્વાનની ગલીએ ગલીએ હાજરીથી વાહન લઈને નીકળતા લોકો પાછળ દોડે છે અને કરડવાના બનાવો બની રહ્યા છે. વૃદ્ધોને ચાલીને જવામાં પણ ડરનો સામનો કરવો પડે છે અને શ્વાન કરડી પણ જવાના બનાવો બને છે. વાહન લઈને જનારા ચાલકોને શ્વાનને જોઈને વાહનની ગતિને ઓછી કરવી પડે છે. ભાવનગરની સર ટી હોસ્પિટલમાં રોજના 100થી વધુ કેસો હડકવાની રસી મુકવાના આવી રહ્યા છે. ક્યારે આંકડો 150 પાર પણ કરી જાય છે ત્યારે ભાવેણાવાસીઓ પણ માંગ કરી રહ્યા છે કે, શ્વાનની સંખ્યા મર્યાદિત કરવા મહાનગરપાલિકાએ કાર્યવાહી કરવી જોઈએ.
ભાવનગર શહેરમાં જાહેર રસ્તા પર નીકળવું મુશ્કેલ છે. કારણ કે, જ્યાં જુઓ ત્યાં શ્વાનની હાજરી જોવા મળે છે. ગલીમાં ચાલતા વૃદ્ધ હોઈ કે વાહન લઈને નીકળતા રાહદારી ડર હંમેશા કરડવાનો સતાવે છે. શ્વાનની ખસીકરણ પ્રક્રિયા 2012માં કરવામાં આવ્યા બાદ પશુપાલન વિભાગ દ્વારા કાર્યવાહી કરવામાં આવી હતી. 2017ની કાર્યવાહી 2019માં થઈ હોવાનું મનપાના વેટરનરી ઓફિસર જણાવી રહ્યા છે પણ શ્વાનની સંખ્યામાં ઘટાડો નથી કારણ કે, સર્વે કર્યા બાદ ખસીકરણ માટેની કાર્યવાહી મનપાને કરવાની હોય છે મનપા દ્વારા ટેન્ડર બહાર પાડી આપી દેવામાં આવ્યું છે પણ મહાનગરપાલિકા પાસે જગ્યા નહીં હોવાથી નવું બોલ્ડીંગ અને વ્યવસ્થા હાલ કામ હેઠળ છે જેથી બિલ્ડીંગ પ્રક્રિયા પૂર્ણ થતાં શ્વાનને રાખવાની વ્યવસ્થા થતા ખસીકરણ પ્રક્રિયા શરૂ કરવામાં આવશે તેમ અધિકારીનું કહેવું છે.
ભાવનગરમાં શ્વાનની સંખ્યા 2012થી ઓછી થઈ નથી ત્યારે શ્વાનની સમસ્યા હજુ પણ એક વર્ષ કે તેનાથી વધુ સમય સુધી હલ થશે નહીં કારણ કે, ખસીકરણ બાકી છે અને ખસીકરણ બાદ પણ શ્વાનને ફરી તેના મૂળ સ્થાન પર છોડવાનો કાયદો છે એટલે ખસીકરણ બાદ સંખ્યા વધશે નહી પરંતુ જે સંખ્યા છે તે ધીરે ધીરે ઓછી થશે તે નિશ્ચિત છે.
