ભાવનગરઃ શહેરમાં છેલ્લા બે દિવસથી વરસી રહેલા વરસાદને કારણે વાતાવરણમાં ઠંડક પ્રસરી ગઈ છે. ત્યારે શુક્રવારે દિવસભર ફરી વરસાદનું આગમન થયું હતું, જો કે શહેર અને જિલ્લામાં શુક્રવારે હળવા ઝાપટાઓ વરસ્યા હતા. વરસાદી ઝાપટાઓના કારણે રોજિંદી કામગીરીમાં લોકોને અસર પહોંચી છે.
જિલ્લામાં વરસાદને પગલે ખેડૂતોના પાકને ભારે નુકશાન થયું છે. ભાવનગર તાલુકો અને જિલ્લામાં વરસાદની ટકાવારી જોઈએ તો જિલ્લામાં 139 mm સીઝનના વરસાદ કરતા વધુ વરસાદ નોંધાયો છે, ત્યારે સૌથી વધુ વરસાદ મહુવા પંથકમાં નોંધાયો છે. જ્યારે ઓછામાં ઓછો તળાજા પંથકમાં નોંધાયો છે.
હાલમાં વરસી રહેલા વરસાદને પગલે શિયાળુ પાકની વાવણીમાં તકલીફો જરૂર ઉભી થઇ રહી છે.
