અનોખો પ્રયાસ: માસ્ક બનાવતાં આર્ટિસ્ટને જ માસ્કનો પ્રોફિટ આપવાનો નિર્ણય

કોરોના વાયરસના પ્રારંભિક તબક્કામાં સુતરાઉ કપડાંના તથા ડીસ્પોઝેબલ, એન-95 માસ્ક બાદ હવે અવનવા રંગોમાં કોરોના જાગૃત્તિના સંદેશા સાથે ટ્રેન્ડી માસ્ક બજારમાં ઉપલબ્ધ બન્યાં છે.ભવિષ્યમાં પણ માસ્ક સાથે જ જીવવાનું છે તો માસ્કના માર્કેટમાં પણ હવે ફેશનેબલ માસ્કના રંગો ઉમેરાય તેવી સંભાવના વર્તાઈ રહી છે. ત્યારે અમદાવાદમાં મર્શિફૂલ ફેટ ફાઉન્ડેશન એનજીઓ દ્વારા જેટલા પણ માસ્ક વેચાશે તેનો પૂરેપૂરો પ્રોફિટ માસ્ક બનાવનાર આર્ટિસ્ટને મળશે તેવું નક્કી કરવામાં આવ્યું છે. હાલ બાવીસ જેટલા આર્ટિસ્ટ માસ્ક બનાવી રહ્યાં છે

અમદાવાદઃ કોરાના વાયરસના પગપેસારાના પગલે હવે કોરાના સાથે જ જીવતાં શીખવા માટે લોકોએ હવે અનિવાર્ય એવા માસ્કને પણ ફેશનના એક ભાગરુપે અપનાવી રહ્યા છે.કોરોના મહામારીએ લોકોને આર્થિક ભીંસમાં મૂકી દીધાં છે ત્યારે શહેરના એવા કેટલાક એનજીઓ છે જે આર્ટિસ્ટને મદદ કરી રહ્યાં છે. તેમાંનું એક એનજીઓ છે મર્શિફુલ ફેટ ફાઉન્ડેશન, જેના દ્વારા જેટલા પણ માસ્ક બનાવીને લોકો સુધી પહોંચાડાશે તે તમામ રૂપિયા આર્ટિસ્ટને આપવામાં આવશે. કોરોના વાયરસના પ્રારંભિક તબક્કામાં લોકોએ તબીબીક્ષેત્રમાં વપરાતા ગ્રીન કલરના સુતરાઉ કપડાં કે ભૂરા રંગના ડીસ્પોઝેબલ કે એન-95માસ્ક જ લોકો માટે હાથવગાં હતાં. જો કે તબક્કાવાર લોકડાઉન વધવાની સાથે થોડા સમય સુધી હજુ લોકોને માસ્કને જીવનશૈલી સાથે જોડી દેવાનો સત્તાવાર અનુરોધ કરવામાં આવ્યો છે. જેના પગલે હવે માસ્કના વેચાણમાં તેજી આવી છે. લોકડાઉનના દિવસોમાં અન્ય ધંધા રોજગાર બંધ થવા છતાં લારી પર માસ્ક વેચતાં ફેરીયાઓના ધંધામાં મોટા પાયા પર બરકત આવી છે. હાલ 15 બહેનો સહિત લોકો આ કામ કરી રહ્યાં છે.

માધુરી જાની જે આ ફાઉન્ડેશનના ટ્રસ્ટી છે તેમણે શહેરના ડિઝાઇનર અનુરાગ કે સાથે મળીને આ માસ્ક બનાવવાનો નિર્ણય કર્યો છે.તેમણે 10 જેટલી અલગ અલગ ડિઝાઈન બનાવી છે. તેઓ જણાવે છે કે માસ્ક હવે આગામી કેટલાક સમય સુધી જીવનશૈલીનો એક ભાગ જ બની રહેવાનો છે.તે સંજોગોમાં માસ્કના માર્કેટમાં હવે અવનવા રંગોના વૈવિધ્ય સાથે ટ્રેન્ડી માસ્કનું આગમન થવા પામ્યું છે.લોકો હવે તબીબી ક્ષેત્રના માત્ર ગ્રીન કે ભુરા રંગના માસ્કને બદલે સુતરાઉ કાપડના કલર ફુલ તથા ચહેરો ઢંકાઈ રહે તેવા માસ્કનો ઉપયોગ કરી રહ્યાં છે.ખાસ કરીને મહિલા વર્ગમાં અલગ અલગ કલરના મેચીંગ માસ્કનો આગ્રહ રાખવામાં આવી રહ્યો છે.જેથી બજારમાં હવે અલગ અલગ કાપડ,વિવિધ રંગોની અવનવી ડીઝાઈન્સ તથા હું પણ કોરોનો વોરીયરથી માંડીને ,સ્ટે હોમ સ્ટે સેફ,કીપ સોશિઅલ ડિસ્ટન્સિંગ સહિતના કોરોનો જાગૃત્તિને લગતા સંદેશા સાથેના માસ્ક પણ બજારમાં ઉપલબ્ધ બન્યાં છે.

અત્રે નોંધનીય છે કે ભવિષ્યમાં ડ્રેસ સાથે મેચીંગ રંગના ફેશનેબલ અને ટ્રેન્ડી માસ્કની માગ પણ વધે તેવી સંભાવના ટેક્સટાઈલ તથા ફેશનજગતના નિષ્ણાતો જોઈ રહ્યાં છે. તેના પગલે અમે વિચાર્યું કે આ માસ્ક બનાવવાથી આર્ટિસ્ટને પણ આનો લાભ થવો જોઈએ કારણ કે સરકાર દ્વારા તેમને રાશન તો આપવામાં આવે છે પરંતુ તે ઘર ચલાવવા માટે પૂરતું હોતું નથી અને આ જ વિચાર સાથે અમે જે પણ પ્રોફિટ આ માસ્ક વેચીને થશે તે તમામ આર્ટિસ્ટને આપવાનું નક્કી કર્યું છે.