- રાજ્યમાં 61 દિવસ બાદ કોરોનાના કેસનો આંકડો 1 હજારની નીચે
- 24 કલાકમાં 960 કોરોના કેસ નોંધાયા પણ હજી પણ સાવધાની જરૂરી
- રાજ્યના લોકો સચેત નહીં રહે તો હજી પણ કોરોનાની સ્થિતિ વણસી શકે છે
અમદાવાદઃ ગુજરાતમાં કોરોના મહામારીની સ્થિતિ ચિંતાજનક સ્તરે પહોંચ્યા બાદ હવે કોરોના વાયરસના દિવસ દરમિયાન નોંધાતા કેસની સંખ્યામાં ગત કેટલાક દિવસોથી સતત ઘટાડો થઈ રહ્યો છે. રાજ્યમાં 61 દિવસના લાંબા ગાળા બાદ કોરોનાના 1 હજારથી ઓછા કેસ સામે આવ્યા છે. આજે કોરોનાના ચેપમાં 960 પોઝિટિવ કેસ આવ્યા છે. ગુજરાતમાં કોવિડ-19ના કુલ કેસોની સંખ્યા વધીને 2,36,259એ પહોંચી છે. જ્યારે રાજ્યમાં વધુ 7 દર્દીના મોત થતા કૂલ મૃત્યુઆંક 4241એ પહોંચ્યો છે. જ્યારે 1268 લોકોએ છેલ્લા 24 કલાકમાં કોરોનાને મ્હાત આપી છે. જોકે, ગુજરાતનો રિકવરી રેટ અત્યારે 93.28 ટકા છે. ત્યાં જ રાજ્યમાં 54,612 ટેસ્ટ કરવામાં આવ્યા હતા.
રાજ્યમાં ક્યાં કેટલા કોરોના વાઈરસના કેસ નોંધાયા?
અમદાવાદ કોર્પોરેશન 204, સુરત કોર્પોરેશન 124, વડોદરા કોર્પોરેશન 102, રાજકોટ કોર્પોરેશન 96, વડોદરા 33, કચ્છ 31, બનાસકાંઠા 26, રાજકોટ 26, સુરત 26, પંચમહાલ 24, ગાંધીનગર 22, મહેસાણા 21, ગાંધીનગર કોર્પોરેશન 18, દાહોદ 17, ખેડા 16, જુનાગઢ કોર્પોરેશન 15, ભાવનગર કોર્પોરેશન 14, આણંદ 13, ભરૂચ 11, અમરેલી 10, ગીર સોમનાથ 10, સાબરકાંઠા 10, સુરેન્દ્રનગર 10, જામનગર કોર્પોરેશન 9, જુનાગઢ 9, મોરબી 9, મહીસાગર 8, અમદાવાદ 7, પાટણ 7, અરવલ્લી 6, જામનગર 6, ભાવનગર 5, બોટાદ 4, નર્મદા 4, પોરબાંદર 3, દેવભૂમિદ્વારકા 2, છોટાઉદેપુર 1, વલસાડ 1, ડાંગ કેસ સામે આવ્યા છે.
કોરોના વાઈરસના કારણે મૃત્યુદર પણ ઘટ્યો
કોરોનાની વૈશ્વિક મહામારીથી થતા મૃત્યુમાં હવે તેમાં સતત ઘટાડો નોંધાઈ રહ્યો છે. આરોગ્ય વિભાગે છેલ્લા 24 કલાકમાં સારવાર હેઠળના 7 દર્દીના મોત થયાનું સ્વીકાર્યું છે, જેમાં સૌથી વધુ અમદાવાદ કોર્પોરેશનમાં 4 લોકોને કોરોના ભરખી ગયો છે ત્યાં જ સુરત કોર્પોરેશનમાં 3 વ્યક્તિના મોત થયા છે. ગુજરાતમાં અત્યાર સુધીમાં કુલ 2,20,393 લોકો સાજા થઈ ગયા છે. જ્યારે આજે છેલ્લી સ્થિતિ મુજબ 11,625 સારવાર હેઠળના દર્દીઓ પૈકી 66 વેન્ટિલેટર ઉપર રાખવામાં આવ્યા છે અને 11,559 સ્ટેબલ છે.
