દુષ્કર્મના આરોપી પાસેથી 35 લાખ પડાવનાર PSIએ કોર્ટમાં જામીન અરજી કરી

અમદાવાદના પશ્ચિમ મહિલા પોલીસ સ્ટેશનમાં ફરજ બજાવતાં પીએસઆઈ સામે દુષ્કર્મના આરોપી પાસેથી ૩૫ લાખ રૂપિયા પડાવવાના કેસમાં આરોપી શ્વેતા જાડેજાએ બુધવારે અમદાવાદ સિટી સિવિલ એન્ડ સેશન્સ કોર્ટમાં જામીન અરજી દાખલ કરવામાં આવી હોવાની વિગતો સામે આવી છે. આ મામલે આગામી દિવસોમાં સુનાવણી હાથ ધરાઈ શકે છે.

અમદાવાદઃ અમદાવાદ સિટી સિવિલ એન્ડ સેશન્સ કોર્ટમાં આરોપી શ્વેતા જાડેજા તરફે દાખલ કરવામાં આવેલો જામીન અરજીમાં રજૂઆત કરવામાં આવી છે કે, દુષ્કર્મ કેસનો આરોપી કેનિલ શાહ અન્ય બે ગુનામાં સંડોવાયેલો છે. પોલીસ ફરિયાદ રદ કરવા માટે તેણે ગુજરાત હાઇકોર્ટ અને સુપ્રીમ કોર્ટ સુધી અરજી દાખલ કરી હતી. આરોપી સામે ત્વરિત કાર્યવાહી ન થાય તે હેતુથી અરજદાર પીએસઆઇ પર ખોટા આક્ષેપ લાદવામાં આવ્યાં હોવાનો અરજદાર તરફે દાવો કરવામાં આવ્યો છે. આરોપી કેનિંલ શાહ પોતાની સામે દાખલ કરાયેલી દુષ્કર્મની ફરિયાદને રદ કરાવવા માટે આરોપી પીએસઆઇ પર ખોટી ફરિયાદ નોંધાવી દબાણ ઊભું કરવા માગતો હોવાનો આક્ષેપ કરવામાં આવ્યો છે. સુપ્રીમ કોર્ટે દુષ્કર્મ કેસમાં ફરીવાર તપાસ કરવાનો આદેશ કર્યો હતો. જોકે પીએસઆઇ સામે દાખલ FIRમાં બાતમીદારે કેનિલ શાહે આરોપીને 20 લાખ આંગડિયાથી મોકલ્યાં હોવાનું સામે આવ્યું છે.

અગાઉ પોલીસ તરફે આરોપી શ્વેતા જાડેજાની તપાસ માટે સાત દિવસના રીમાન્ડ માગવામાં આવ્યાં હતાં. જો કે કોર્ટ દ્વારા માત્ર ત્રણ દિવસના રીમાન્ડ મંજૂર કરવામાં આવ્યાં હતાં. ત્રણ દિવસ બાદ આરોપી પીએસઆઇને પરિવાર અમદાવાદ સિટી સિવિલ એન્ડ સેશન્સ કોર્ટમાં રજૂ કરવામાં આવશે. સરકારી વકીલ તરફથી રજૂઆત કરવામાં આવી હતી કે, આરોપી પી.એસ.આઇ કોના ઇશારે અને શા માટે લાંચ માગી તેની તપાસ માટે રીમાન્ડની માગ કરવામાં આવી હતી. ફરિયાદીએ પશ્ચિમ મહિલા પોલીસ સ્ટેશનના PSI શ્વેતા જાડેજા વિરુદ્ધ અરજી કરી હતી જેમાં થોડા મહિના અગાઉ કોઈ કેસ બાબતે મહિલા PSI એ 35 લાખ પડાવ્યાં હોવાનો આરોપ લગાવ્યો હતો, જે મામલે ક્રાઈમ બ્રાન્ચે તપાસ કરતાં આરોપમાં તથ્ય હોવાનું જણાતાં PSI વિરુદ્ધ ફરિયાદ નોંધવામાં આવી છે.અમદાવાદ ક્રાઈમ બ્રાન્ચે આ અંગે ફરિયાદ નોંધીને મહિલા PSI વિરુદ્ધ કાર્યવાહી હાથ ધરી છે, હાલ સમગ્ર મામલે મહિલા PSIની પૂછપરછ પણ કરવામાં આવી રહી છે.