NGTને લગતા કેસ મુદ્દે હાઈકોર્ટ પરિસરમાંથી વીડિયો કોન્ફરેન્સ મારફતે પક્ષ મૂકી શકાશે

પર્યાવરણ અને પ્રદુષણને લગતા પ્રશ્નોને સાંભળતી નેશનલ ગ્રીન ટ્રીબ્યુનલની પુના અને દિલ્હીમાં સ્થિત બેન્માં ફરિયાદ કરવા માટે ગુજરાતના લોકોએ હવે નહીં ખાવા પડે ધક્કા. કારણ કે હાઈકોર્ટમાં માળખું ઉભુ કરવામાં આવ્યુ છે, જેમાં વીડિયો કોન્ફરેન્સ મારફતે જજ સમક્ષ પોતાનો પક્ષ રાખી શકશે.

અમદાવાદઃ હવેથી ગુજરાત હાઇકોર્ટમાંથી જ પુના અને દિલ્હી નેશનલ ગ્રીન ટ્રીબ્યુનલમાં સીધું ઓનલાઇન કેસ ફાઇલિંગ થઈ શકશે. ગુજરાત સ્ટેટ લીગલ સર્વિસીસ ઓથોરિટીએ હાઇકોર્ટ પરિસરમાં આ માટે માળખું ઉભું કર્યું છે. 1 એપ્રિલથી જાહેર જનતાને માટે આ લાભ અને સુવિધાને જાહેર પ્રજા માટે ઉપલબ્ધ કરવામાં આવશે.

સમગ્ર દેશમાં આ પ્રકારની વ્યવસ્થા ઊભી કરનારૂં ગુજરાત પ્રથમ રાજ્ય છે. સુપ્રીમ કોર્ટના જજ જસ્ટિસ એમ.આર.શાહ અને હાઇકોર્ટના ચીફ જસ્ટિસ વિક્રમનાથના માર્ગદર્શન હેઠળ આ વ્યવસ્થા ઉભી કરવામાં આવી છે.