અમદાવાદ- કોરોનાની મહામારી વચ્ચે 40 દિવસનું લોકડાઉન છે, આ લોકડાઉને ઘણા બધા પાઠ શિખવ્યા છે અને નવા ફેરફારો પણ આવશે. પહેલો ફેરફાર વર્ક ફ્રોમ હોમનું કલ્ચર હવે વધશે. આ લોકડાઉનમાં વર્ક ફ્રોમ હોમ કરનાર કેટલાક વિવિધ ક્ષેત્રના અગ્રણીઓનો અનુભવ જાણવાનો અમે પ્રયત્ન કર્યો છે.
કિરણ સુતરીયા, ફાઉન્ડર એન્ડ ચેરમેન, સીટા સોલ્યુશન્સ
સીટા સોલ્યુશન્સ માટે લોકડાઉન સામાન્ય દિવસો જેવું જ છે, કારણકે અમે અગાઉથી જ "વર્ક ફ્રોમ હોમ" માટેનું પૂરતુ આયોજન અને તેને લગતું ઈન્ફ્રાસ્ટ્રક્ચર તૈયાર કર્યું હતું, આથી અમે લોકડાઉનના પહેલાજ દિવસથી અમારા કલાઈન્ટ્સને કોઈપણ વિક્ષેપ વગર સમયસર સેવા પુરી પાડીયે છે, જોકે આ પ્રકારની પરિસ્થિતિનો અનુભવ અમને પહેલા ક્યારેય નથી થયો છતાં અમારા કુશળ અને અનુભવી ટેકનિકલ અને અન્ય સ્ટાફ દ્વારા અસરકારક અને સુંદર કામગીરી કરવામાં આવી રહી છે. સૌથી સારી બાબત એ છે કે અમારા ગ્રાહકોને સમયસર સેવા મળતી હોવાને કારણે તેમના કાર્યમાં કોઈ મુશ્કેલી પડતી નથી.
કર્નલ રાહુલ શર્મા, બિઝનેસ અને પરફોર્મન્સ કોચ ભારતીય સેનાના ભૂતપૂર્વ ઉચ્ચ અધિકારી કર્નલ રાહુલ શર્મા હાલમાં બિઝનેસ અને પરફોર્મન્સ કોચ તરીકે અમદાવાદમાં કાર્યરત છે, લોકડાઉન દરમ્યાન તેઓ "વર્ક ફ્રોમ હોમ"ના નિયમનું પાલન કરી કામ કરે છે, કર્નલ શર્મા જણાવે છે કે 'બિઝનેસ અને પરફોર્મન્સ કોચ' તરીકે મારે નાનામોટા ઉદ્યોગોના માલિકો, ઉચ્ચ અધિકારીઓ અને પ્રોફેશનલ્સને તેમના બિઝનેસ અને વ્યવસાયને સારી રીતે ચલાવવા અને આગળ વધારવા માટેના સલાહ સૂચનો આપવાના હોય છે અને સમયાંતરે તેમના બિઝનેસની વૃદ્ધિ અને ફેલાવાને લગતી યોજનાઓ માટે પણ માર્ગદર્શન આપવાનું હોય છે, લોકડાઉન દરમ્યાન અમે અમારા ક્લાઈન્ટસને વિવિધ ટેક્નોલોજી અને વિડીયો કોન્ફરન્સીંગ દ્વારા સલાહ સૂચનો અને માર્ગદર્શન આપીયે છે, આધુનિક ટેક્નોલોજીની મદદથી આ સમયે ઘરેથી કામ કરવું બહુજ સરળ છે. સેલ્ફ ડિસિપ્લિન અને ટાઈમ મેનેજમેન્ટ ખૂબજ જરૂરી છે, તન અને મનને તંદુરસ્ત રાખવા માટે રોજ 40 મિનિટ કસરત, યોગ, અને પ્રાણાયામ નિયમિત રીતે કરુ છું. પરિવાર સાથે પણ સારો સમય પસાર કરું છું. 25 વર્ષ સુધી ભારતીય સેનામાં સેવા આપ્યા બાદ આજે પણ કોઈ મુશ્કેલ પરિસ્થિતિ અને પડકારોનો સામનો કરવા હંમેશા તૈયાર રહું છું.
ડૉ. નેહા શર્મા, ડિરેક્ટર, શાંતિ બિઝનેસ સ્કૂલ
અચાનક આવી પડેલી કોરોના મહામારીના કારણે રાજ્યમાં વિદ્યાર્થીઓની સુરક્ષા માટે સમય પહેલાજ શૈક્ષણિક સંસ્થાઓ બંધ કરવામાં આવી, આ સમય શાંતિ બિઝનેસ સ્કૂલ માટે ચાલુ શૈક્ષણીક વર્ષના અભ્યાસક્રમનો આખરી સમય હોવાને કારણે સમયસર કોર્ષ પૂરો કરવા ઉપરાંત એસેસમેન્ટ, સમર ઇન્ટર્નશિપ, પ્લેસમેન્ટ, નવા શૈક્ષણિક વર્ષ માટેના એડમીશન વગેરે મહત્વપૂર્ણ કાર્ય સમયસર અને સારી રીતે પૂર્ણ કરવા માટે તુરંત આયોજન કરવામાં આવ્યું, શાંતિ બિઝનેસ સ્કૂલના દરેક કર્મચારીને તેના કૌશલ્ય પ્રમાણે કામ સોંપવામાં આવ્યું છે, આધુનિક ટેક્નોલોજીના ઉપયોગથી દરેક કર્મચારી લોકડાઉનની ગાઈડલાઈન પ્રમાણે "વર્ક ફ્રોમ હોમ" નિયમનું પાલન કરી પોતાના ઘરેથી સારી રીતે કામ કરી રહ્યા છે, વિદ્યાર્થીઓના બાકી રહેલ કોર્ષ ઑન લાઈન ટેક્નોલોજીની મદદથી પૂરા કરવામાં આવી રહ્યા છે. તેમજ વિદ્યાર્થીઓને જરૂરી માર્ગદર્શન પણ પુરુ પાડવામાં આવી રહ્યું છે. ઉપરાંત માનવતાના ધોરણે કેમ્પસમાં જ રહી કામ કરતા સફાઈ કર્મી, ચોકીદાર, માળી, કેન્ટીન સ્ટાફ વિગેરેને રહેવા, જમવા અને સ્વાસ્થ્ય સંબંધી સુવિધાઓ પુરી પાડવામાં આવી રહી છે. આ સમયે આપણે બધા લોકડાઉનના નિયમોનું કડક પાલન કરી ઘરમાં રહીને કામ કરીશું તો જરૂર સુરક્ષિત રહીશું.
વનેશ પંચાલ, ડિરેક્ટર, બિલાઈન બ્રોકિંગ
અચાનક આવી પડેલા લોકડાઉનમાં "વર્ક ફ્રોમ હોમ" કોન્સેપટ એક સ્ટોક બ્રોકિંગ કંપની તરીકે અમારા માટે પડકાર હતો, છતાં ખુબજ થોડા સમયમાં બિલાઈન બ્રોકિંગ દ્વારા ટેક્નોલોજીનો ઉપયોગ કરી "વર્ક ફ્રોમ હોમ" કલ્ચર અપનાવી અમે સ્ટોક બ્રોકિંગ સેવાઓ અમારા ગ્રાહકો માટે ચાલુ રાખી, સાથેસાથે નિયમનકારી સંસ્થાઓના ધારાધોરણોનું પાલન કરી ખૂબજ સંતોષકારક સેવાઓ પૂરી પાડી રહ્યા છે, પેઈન અને પેઆઉટની પ્રોસેસ સાથેસાથે સોદા કન્ફર્મેશન, અને રિસર્ચ ટ્રેડિંગ સલાહો અમે સબબ્રોકરથી લઈને દરરોજના ગ્રાહકો સુધી પોહચાડવા અને વન ટુ વન કોન્ટેક માટે અમે સોશિયલ મીડિયા પ્લેટફોર્મનો પૂરતો ઉપયોગ કરી રહ્યા છે. લોકડાઉન દરમ્યાન સરકાર દ્વારા તૈયાર કરવામાં આવેલા નિયમોનું પાલન કરો અને સુરક્ષિત રહો.
