કોરોનાના વધતા સંક્રમણને પગલે અમદાવાદ જિલ્લામાં સર્વે અને ટેસ્ટિંગ વધારાશે

અમદાવાદ શહેર અને જિલ્લામાં કોરોનાના વધતા સંક્રમણને પગલે કોરોનાની પ્રવર્તમાન સ્થિતિ અને તેના નિયંત્રણ માટે લેવા યોગ્ય તમામ પગલાંઓની સમીક્ષા અમદાવાદ જિલ્લા વહીવટીતંત્રએ સત્વરે હાથ ધરી છે. અમદાવાદ જિલ્લામા કોરોનાનું સંક્રમણ અટકાવવા માટે સર્વગ્રાહી તકેદારીના પગલાં શરૂ કરાયા છે.

• સોલા સિવિલમાં કોરોનાના દર્દીઓ માટે બેડની ક્ષમતા વધારીને 600 કરાઈ
• જિલ્લામાં 'પિંક સ્પોટ' ધરાવતા ગામોમાં વિશેષ ધ્યાન કેન્દ્રિત કરાશે
• વધારે જરૂર પડશે તો વધુ બેડની સંખ્યા વધારાશે

અમદાવાદ- અમદાવાદ જિલ્લા વિકાસ અધિકારી અરુણ મહેશ બાબુએ જણાવ્યું છે કે અમદાવાદની સોલા સિવિલ હોસ્પિટલમાં હાલ 450 બેડ છે, તેની સંખ્યા વધારીને 600 કરવાની તમામ તૈયારીઓ પૂર્ણ કરી દેવાઇ છે. હજી પણ વધારે જરૂર પડશે તો અન્ય બેડ વધારવાની તૈયારી રખાઈ છે. અમદાવાદ જિલ્લા કલેકટર સંદીપ સાંગલેએ સોલા સિવિલ હોસ્પિટલની ગઈકાલે અને આજે મુલાકાત લઈને બાદ તમામ તૈયારીઓને આખરી ઓપ આપ્યો છે.

કોરોનાના વધતા સંક્રમણને પગલે અમદાવાદ જિલ્લામાં સર્વે અને ટેસ્ટિંગ વધારાશે

ઈન્ટેન્સિવ સર્વેલન્સ અને ટેસ્ટિંગ વધારવા સૂચના અપાઈ

જિલ્લા વિકાસ અધિકારીએ જણાવ્યું હતું કે અમદાવાદ જિલ્લામાં આજે તમામ તાલુકા હેલ્થ ઓફિસર અને જિલ્લાના મેડિકલ ઓફિસરોની બે મિટિંગ બોલાવીને તેમને આવતીકાલથી જ ઇન્ટેન્સિવ સર્વેલન્સ અને ટેસ્ટિંગ વધારવા સૂચના આપી દેવાઇ છે. એ જ રીતે સોમવારથી અમદાવાદ શહેર ફરતા રીંગ રોડ ઉપર ગામડાઓમાં પ્રવેશતાં માર્ગો પર કોરોના ટેસ્ટની પ્રક્રિયા હાથ ધરાશે.

સોલા સિવિલમાં કોરોનાના દર્દીઓ માટે બેડની ક્ષમતા વધારીને 600 કરાઈ

પિન્ક સ્પોટમાં આવતાં ગામડાઓ પર વિશેષ તકેદારી રખાશેમહેશ બાબુએ વધુમાં જણાવ્યું છે કે કોરોનાના સંક્રમણની દ્રષ્ટિએ છેલ્લા પંદર દિવસથી 'પિન્ક સ્પોટ' માં રહેતા ધંધૂકા, બાવળા, ચાંગોદર, સનાથલ, શેલા, વિરમગામ, સાણંદ અને મોરૈયા નગરપાલિકા/ ગામોમાં વિશેષ ધ્યાન કેન્દ્રિત કરાશે. આ ઉપરાંત અસલાલી, ગોરૈયા, ધોળકા તાલુકાના ધોળકા, કોઠ, નાની બોરુ, દસ્ક્રોઇ તાલુકાનું ભૂવાલડી, જેતલપુર, કાસીન્દ્રા, મીરોલી, નાંદેજ, ટીંબા, દેત્રોજ તાલુકાનું રુદાતલ, વાસણા, ધંધૂકા તાલુકાનું તગડી, માંડલ તાલુકાનું સીતાપુર તથા વિઠલાપુર, સાણંદ તાલુકાનું સરી તથા તેલાવ ગામને વિશેષ કેન્દ્રિત કરીને સર્વેલન્સ તથા ટેસ્ટિંગની પ્રક્રિયા હાથ ધરાશે.