અમદાવાદ :રાખડીના મટિરિયલ ભાવમાં વધારો થતાં આ વર્ષે રાખડીના ભાવમાં પણ 20 ટકા જેટલો વધારો (market price for rakhi)જોવા મળી રહ્યો છે. ભાવ વધારે હોવા છતાં લોકોની માંગ વધારે હોવાના કારણે બજારમાં રાખડીની અછત જોવા મળી રહી છે. તેવું વેપારી માની રહ્યા છે. દેશમાં મોંઘવારી ( Effect of inflation )દિનપ્રતિદિન વધી રહી છે. જેના કારણે દરેક જીવન જરૂરિયાત ચીજવસ્તુના ભાવમાં વધારો થયો છે. લોકોની બચતમાં ઘટાડો જોવા મળી રહ્યો છે. મોંઘવારીની અસર તહેવાર પર જોવા મળી રહી છે. આ વર્ષે રક્ષાબંધનમાં (Raksha bandhan 2022) રાખડીના ભાવમાં 20 ટકા જેટલો વધારો જોવા મળી રહ્યો છે. તેમ છતાં લોકો ભારે ઉત્સાહપૂર્વક ખરીદી કરી રહ્યા છે.
રાખડીના રો- મટીરીયલ પર 18 ટકા GST : આ વખતે રાખડીના રોમટીરીયલ પર સરકાર દ્વારા 18 ટકા GST નાખતા આવ્યો છે. જેથી રાખડીના ભાવમાં 15 થી 20 ટકા ભાવ વધારો (market price for rakhi) જોવા મળી રહ્યો છે.ભાવ વધારો હોવા છતાં લોકો ભારે ઉત્સાહ પૂર્વ રાખડીની ખરીદી કરી રહ્યા છે.કોરોના મહામારીમાં રાખડી બનાવવાના કામકાજ પર અસર થઈ હતી.પરંતુ આ વર્ષે બજારમાં ભાવ વધારો હોવા છતાં રાખડીનું વેચાણ ( Sale of Rakhis ) ભારે જોવા મળી રહ્યું છે. વેપારીઓ દ્વારા આ વર્ષે અંદાજિત 200 કરોડની રાખડીનું વેચાણ થાય તેવી શક્યતા જોવા મળી રહી છે.
આ પણ વાંચોઃ Raksha Bandhan 2022: કિંમત લાખોમાં છતાં રિઅલ ડાયમંડની રાખડી લોકો માટે બની આકર્ષણનું કેન્દ્ર
અમદાવાદ સૌથી મોટું હબ : રાખડીના વેપારી ઇકબાલભાઈએ Etv bharat સાથે વાત કરતા જણાવ્યું હતું કે દેશમાં રાખડીની સૌથી મોટું હબ અમદાવાદને ગણવામાં આવે છે. રાજ્યમાં અંદાજિત 1 લાખ લોકો રાખડીના ઉદ્યોગ સાથે સંકળાયેલા છે.દેશના મોટાભાગના રાજ્યોમાંથી જેમ કે દિલ્હી,પંજાબ,રાજસ્થાન, મહારાષ્ટ્ર,સહિતના અનેક રાજ્યોના વેપારીઓ અમદાવાદમાં રાખડીની ખરીદી માટે આવે છે.
આ પણ વાંચોઃ Rakshabandhan 2022 : 1500 રાખડીઓથી સ્વામિનારાયણ ભગવાન સજ્યા, રક્ષાકવચ જશે વિદેશમાં
રાખડીની અછત સર્જાઈ : વધુમાં જણાવ્યું હતું કે આ વર્ષે રાખડીના ભાવમાં વધારો હોવા છતાં બજારમાં લોકોની માંગ વધારે જોવા મળી રહી છે.જેને પગલે હાલમાં રાખડીની અછત સર્જાઈ રહી છે. હવે રાખડીનું નવું ઉત્પાદન શક્ય નથી.જેના કારણે વેપારી વર્ગમાં કહી ખુશી કહી ગમનો માહોલ જોવા મળી રહ્યો છે.
પૂર્વ મુખ્યપ્રધાનને 3000 રાખડી મોકલશે : ગુજરાતના પ્રથમ મહિલા પૂર્વ મુખ્યપ્રધાન આનંદીબેન પટેલ દ્વારા 3000 રાખડીનો ઓર્ડર (Former CM Anandiben Patel Order) મળ્યો છે. તે અમે બનાવીને લખનઉ મોકલાવી છે. જયારે તે ગુજરાતમાં હતાં ત્યારે દર વર્ષ 1 લાખ રાખડીનો ઓર્ડર આપતા હતાં. રાખડી હાલમાં નાના બાળકો અને ગરીબ બાળકોને બાંધે છે.
