અમદાવાદઃ ગુજરાતમાં અમદાવાદ-વડોદરા, સૂરત, ભાવનગર અને રાજકોટ સહિતના શહેરોમાં સમરસ હોસ્ટેલને કોવિડ સેન્ટરમાં ફેરવવામાં આવ્યાં છે. આ સમરસ હોસ્ટેલમાં સ્નાતક અને અનુસ્નાતક કક્ષાના વિદ્યાર્થીઓ અભ્યાસ કરતાં હોય છે, ત્યારે જો પરીક્ષાઓ લેવામાં આવે તો અત્યારે વિદ્યાર્થીઓ અહીં રહીને અભ્યાસ કરી શકશે નહીં.
બીજી તરફ અમદાવાદ કોરોના વાઇરસનું હબ બન્યું છે, ત્યારે અમદાવાદમાં પરીક્ષાઓ યોજી ન શકાય તેવી માગ એનએસયુઆઈએ કરી હતી. જેથી વિદ્યાર્થીઓને માસ પ્રમોશન આપવું જોઇએ, તેવી માગ એનએસયુઆઇ દ્વારા કરવામાં આવી છે. કારણ કે સમગ્ર દેશમાં ઘણી યુનિવર્સિટીઓએ વિદ્યાર્થીઓને માસ પ્રમોશન આપ્યું છે. જેમાં આઈ.આઈ.ટી મુંબઇ, કાનપુર ખડકપુર જેવી ઉચ્ચ શૈક્ષણિક સંસ્થાઓઓનો સમાવેશ થાય છે.
વિદ્યાર્થીઓના સ્વાસ્થ્ય અને ભવિષ્યને ધ્યાનમાં લઈને ગુજરાતની તમામ યુનિવર્સિટીઓની સ્નાતક અને અનુસ્નાતક કક્ષાના વિદ્યાર્થીઓને માર્ગદર્શન આપે તેવી માગ NSUIએ કરી છે. તેમજ યુનિવર્સિટી દ્વારા વિદ્યાર્થીઓની પરીક્ષાને લઇને જે વ્યવસ્થાઓ ગોઠવવામાં આવી છે. જેમાં પણ ખામી છે, તેવું એનએસયુઆઇએ જણાવ્યું હતું.
