અમદાવાદ કાલુપુરમાં પોલીસની દાદાગીરીનો વીડિયો વાઇરલ

કોરોનાને લઈને માસ્ક ફરજીયાત કરવામાં આવ્યું છે. ત્યારે માસ્ક ના પહેરનાર સામે પોલીસ કાર્યવાહી કરીને 1000 દંડ વસૂલી રહી છે. ત્યારે કાલુપુરમાં પોલીસની દાદાગીરીનો વીડિયો સામે આવ્યો છે. જેમાં પોલીસકર્મીઓ દ્વારા દુકાનદારને ધમકી આપવામાં આવી રહી છે.

અમદાવાદ: કોરોનાને લઈને માસ્ક ફરજીયાત કરવામાં આવ્યું છે. ત્યારે માસ્ક ના પહેરનાર સામે પોલીસ કાર્યવાહી કરીને 1000 દંડ વસૂલી રહી છે. ત્યારે કાલુપુરમાં પોલીસની દાદાગીરીનો વીડિયો સામે આવ્યો છે. જેમાં પોલીસકર્મીઓ દ્વારા દુકાનદારને ધમકી આપવામાં આવી રહી છે.

કાલુપુર પોલીસ સ્ટેશનના ડી સ્ટાફના પોલીસકર્મીનું વેપારી સાથે ઉદ્ધતાઈ ભર્યું વર્તન કરેલ વીડિયો વાયરલ થયો છે. જેમાં માસ્કના નામે પોલીસની દાદાગીરી સામે આવી છે. કાલુપુર રીલીફરોડ પાસે ટાયરની દુકાન ધરાવતા વેપારી કાલુપુર ડી સ્ટાફ પોલીસ કર્મી પહોંચ્યા ત્યારે વેપારી અને તેના પુત્રએ દુકાનમાં માસ્ક પહેર્યું નહોતું. જે વાતને લઈ પોલીસે વેપારી સાથે અસભ્ય વર્તન કર્યું હતું.

ડી સ્ટાફ પોલીસ કર્મીએ વેપારીને કહ્યું કે, પોલીસ છીએ, કોર્પોરેશન નથી ગુનો દાખલ કરી દઈશ. આમ પોલીસે વેપારીને ધમકી આપી બેફામ ગાળો ભાંડી હતી. ત્યાર બાદ પોલીસકર્મીએ વેપારી અને તેના પુત્રનો શર્ટનો કોલર પકડી દુકાન બહાર લાવી પોલીસ સ્ટેશન લઈ જઈ દંડ વસુલ્યો હતો. તેમજ પોલીસે વેપારી પાસે માફીપત્ર લખાવી દંડ વસુલ્યો પણ પોલીસ સામે કોઈ કાર્યવાહી ન કરી અને ખાખીએ ખાખીને બચાવવાનો પ્રયાસ કર્યો.ત્યારે આ સમગ્ર મામલે કાલુપુર પોલીસ મથકના પી.આઇ કહ્યું કે, જવાબદાર સામે કાર્યવાહી થશે. પરંતુ હજુ સુધી કોઈની સામે કોઈ કાર્યવાહી કરાઇ નથી. ત્યારે પોલીસની હવે માસ્કના નામે દાદાગીરી પણ સામે આવી રહી છે.