અમદાવાદ : અમદાવાદમાં એક વેપારીનું અપહરણ કરતા (Ahmedabad Kidnapping Case) ચકચાર મચી છે. મોટેરામાં રહેતા વેપારીની ગાડીને ટક્કર મારી અકસ્માત કર્યા બાદ વેપારી કારમાંથી નીચે ઊતરતાં જ તેનું અપહરણ કરી લેવામાં આવ્યું હતું. વેપારીનું કારમાં અપહરણ કરીને ગાંધીનગર હાઈવે પર લઈ ગયા હતા. ધમકી આપીને અપહરણ કરનારાઓએ વેપારીના ઘરે ફોન કરીને પત્ની પાસે 70 લાખથી વધુની ખંડણી માગી હતી. આ મામલે અમદાવાદ ક્રાઇમ બ્રાન્ચે 6 આરોપીની ધરપકડ કરી લીધી અને અન્ય બે આરોપીઓને પકડવા તજવીજ હાથ ધરી છે. પોલીસે આરોપીઓ પાસેથી હથિયાર, કારતૂસ અને ગુનામાં વપરાયેલાં સાધનો પણ કબજે કર્યા છે.
વેપારીનું અપહરણ? - ચાંદખેડા પોલીસ દ્વારા મળતી માહિતી અનુસાર મોટેરામાં વિસ્તારમાં અતુલ પટેલ પેટ્રોલ પંપ ધરાવે છે. બુધવારે સવારે અતુલ પટેલ પોતાના નિત્યક્રમ પ્રમાણે વહેલી સવારે સધી માતાના મંદિરે દર્શન કરવા માટે ઘરેથી પોતાની કારમાં નીકળ્યા હતા. મંદિર નજીક પહોંચવા આવ્યા એ સમયે એક કાર તેમની પાછળથી પૂરપાટ ઝડપે આવી હતી. તેઓ કંઈ સમજે એ પહેલાં અતુલ પટેલની કાર પાસે આવીને કાર એક દિશામાં દબાવી અકસ્માત કર્યો હતો. અકસ્માત થતાં અતુલ પટેલે તેમની કાર ઊભી રાખી નીચે ઊતર્યા હતા. આ સમયે અકસ્માત કરનાર કારમાં આવેલા ચાર શખ્સ પણ નીચે આવ્યા, કેમ અકસ્માત કર્યો એમ કહી અતુલ પટેલનું કારમાં અપહરણ કરી લીધું હતું. અતુલ પટેલ કંઈ સમજે એ પહેલાં જ ચાર શખ્સોએ જબરદસ્તી કરીને કારમાં બેસાડી ગાંધીનગર તરફ નીકળી ગયા હતા.
આ પણ વાંચો : અમદાવાદમાં નકલી પોલીસના નામે તોડબાજીનો ખેલ, પાંચ આરોપી ઝડપાયા
કારમાં વેપારીમાં માર માર્યો - અપહરણકર્તાએ અતુલ પટેલને કારની અંદર માર માર્યો હતો. અપહરણ (Kidnapping Trader in Ahmedabad) કર્યા બાદ તેમને ગાંધીનગર હાઈવે પર ફેરવી રહ્યા હતા. એક શખ્સે અતુલ પટેલનો મોબાઈલ લઈને તેમની પત્નીને ફોન કર્યો હતો. તમારા પતિનું અપહરણ કરી લીધું છે, તમે 70 લાખ નહીં આપો તો તમારા પતિને અમે છોડીશું નહીં એમ કહી ધમકી આપી હતી. આમ 70 લાખની ખંડણી (Ransom Case in Ahmedabad) માગતા અતુલ પટેલની પત્ની ડરી ગયાં હતાં. જેને લઈને પત્નીએ તેમના સંબંધીઓ અને પરિવારના સભ્યોને જાણ કરી હતી.
આ પણ વાંચો : મોટરસાયકલ પર આંટો મરાવવાનું કહી બાળક ઉઠાવી ગયો, કીડનેપર પકડવા 35 જેટલી ટીમ બનાવી
લોકેશન કઢાવી આરોપીને ઝડપી પાડ્યા - આ બાબતે ઘટનાની જાણ પોલીસ કન્ટ્રોલ રૂમને કરવામાં આવી હતી. અપહરણ હોવાના કારણે પોલીસ એલર્ટ થઇ એક્શનમાં આવી ગઈ હતી. પોલીસે લોકેશન કઢાવી આરોપી મોહસિન ફકીર, તોફિક મેમણ, રાહુલ મોદી, અબ્રાર અન્સારી, કુલદીપ સિંહ ગોલ અને મહેન્દ્રસિંહ ગોલ ટ્રેક કરી પકડી (Ahmedabad Crime Case) પાડ્યા હતા. અતુલ પટેલને અપહરણકર્તાની ચુંગાલમાંથી મુક્ત કરાવ્યા હતા. જેમાં જાણવા મળ્યું હતું કે, જમીનની લેતી દેતીના પૈસા બાબેત ઝઘડો થયો હતો.
