રાખડીના વેપારમાં 50 ટકાનું જ વેચાણ, વેપારીઓમાં જોવા મળી નારાજગી

દેશમાં કોરોના વાઇરસની મહામારી ચાલી રહી છે. સમગ્ર દેશ આજે કોરોના સામે ઝઝૂમી રહ્યો છે. તેવામાં ભાઇબહેનના પવિત્ર તહેવાર રક્ષાબંધનને હવે ગણતરીના જ દિવસો બાકી રહ્યાં છે. પરંતુ રાખડી બનાવતાં વેપારીઓમાં નારાજગી જોવા મળી રહી છે કારણ કે હાલ રાખડીનું વેચાણ 50% જ છે.

અમદાવાદઃ કોરોનાવાયરસની મહામારી વચ્ચે દેશમાં રક્ષાબંધનના તહેવારને હવે ગણતરીના જ દિવસો બાકી છે. ભાઇબહેનનો પવિત્ર તહેવાર એટલે કે રક્ષાબંધન અને તેમાં બહેન પવિત્ર ધાગો એટલે કે રાખડી ભાઈને બાંધી હોય છે. પરંતુ રાખડી બનાવતા વેપારીઓમાં નારાજગી જોવા મળી રહી છે. કારણ કે રાખડીના વેપારમાં 50 ટકા જ ખરીદી જોવા મળી રહી છે. વેપારીઓનું જણાવવું છે કે દર વર્ષે મોટી સંખ્યામાં ચીનથી આયાત થતો માલ આ વર્ષે તમામ વેપારીઓએ નકારી દીધો છે જેના કારણે વેપારીઓને એક મોટો ફટકો તો પડ્યો જ છે તો બીજીતરફ આત્મનિર્ભર થઈ બનાવવામાં આવેલી રાખડીઓના વેચાણમાં પણ ઘટાડો જોવા મળી રહ્યો છે.

રાખડીના વેપારમાં 50% જ ખરીદી, વેપારીઓમાં જોવા મળી નારાજગી

રાખડીઓના સૌથી મોટો વેપાર બંગાળમાં ઉત્પાદન થઈ રહ્યું છે. આ ઉપરાંત દિલ્હી, મુંબઈ અને ગુજરાતમાં પણ મોટાપાયે રાખડીઓ બનાવવામાં આવી રહી છે. જો કે વેપારીઓને જણાવવું છે કે રાખડીઓનો ઓર્ડર ગયા વર્ષની સરખામણીમાં 50 ટકા ઓછો જોવા મળી રહ્યો છે પરંતુ કારીગરો પર તેની અસર કોઈ પડી નથી. તેમણે ગયા વર્ષ જેટલું કામ મળ્યું હતું એટલું જ મળી રહ્યું છે. કોરોના પછી વધેલી માગનો સૌથી વધુ ફાયદો સ્થાનિક કારીગરોને મળ્યો છે. કારણકે કોરોનાના કારણે અનેક કારીગરો પોતાના વતન પાછાં ચાલ્યાં ગયાં હતાં. જેને લઇ સૌથી વધારે સ્થાનિક કાર્યકરોને અહીં રાખડી બનાવવાની કામગીરી મળી રહી હતી. જોકે વેપારીઓએ આ વર્ષે ચીનની તમામ વસ્તુઓને નકારી સ્વદેશી પદ્ધતિથી રાખડીઓ બનાવી માર્કેટમાં વેચવા માટે મૂકેલી છે ત્યારે હવે જોવું રહ્યું કે આગામી દિવસોમાં જ્યારે રક્ષાબંધનના તહેવારને ગણતરીના દિવસો બાકી છે ત્યારે વેપારીઓને પૂરતો નફો મળે છે કે નહીં.