અમદાવાદમાં ઈસ્કોન સર્કલ પાસે સર્જાયો અકસ્માત, એક વ્યક્તિનું ઘટના સ્થળે મૃત્યુ થયું

અમદાવાદમાં એસ. જી. હાઇવે પર આવેલા ઈસ્કોન સર્કલ પાસે બાઈક ચાલક ટ્રાફિક પોલીસના બુથ સાથે અથડાતા અકસ્માત સર્જાયો હતો. જેમાં બાઈક ચાલક ગંભીર રીતે ઈજાગ્રસ્ત થયો હતો અને પાછળ બેઠેલા વ્યક્તિનું ઘટનાસ્થળે જ મૃત્યુ થયુ હતું.

• એસ. જી. હાઇવે પર ઈસ્કોન ગાઠિયા સર્કલ પાસે અકસ્માત સર્જાયો
• એક વ્યક્તિનું ઘટનાસ્થળે મૃત્યુ થયું હતુ, અન્ય વ્યક્તિ ઇજાગ્રસ્ત થયો
• મૃતક સિક્યોરિટી કંપનીમાં કરતો હતો કામ

અમદાવાદ: એસ. જી. હાઈવે પર બાઈક ચાલકનું અકસ્માતમાં ઘટનાસ્થળે જ મૃત્યુ થયુ હતું. એસ. જી. હાઇવે પર આવેલા ઈસ્કોન ગાઠિયા સર્કલ પાસે ટ્રાફિક પોલીસના બૂથ સાથે બાઈક અથડાતા અકસ્માત સર્જાયો હતો. જેમાં બાઈક ચાલક ઈજાગ્રસ્ત થતાં ખાનગી હોસ્પિટલમાં સારવાર માટે ખસેડાયો છે. બાઈક પર બેસેલા અન્ય વ્યક્તિનું માથું ટ્રાફિક પોલીસના બૂથ સાથે અથડાતા ઘટનાસ્થળે જ મૃત્યુ થયું હતુ.

આ પણ વાંચોઃ ભરૂચના ઝાડેશ્વર નજીક ST બસની અડફેટે બાઇક સવાર દંપત્તિનું મોત

બાઈક સ્લીપ થતાં ટ્રાફિક પોલીસના બૂથ સાથે અથડાઈ હતી

બાઈક ચાલક અને મૃતક બન્ને સિક્યોરિટી કંપનીમાં કામ કરતા હતા. એસ. જી. હાઈવે પર અકસ્માત સર્જાતા એક વ્યક્તિનું ઘટનાસ્થળે જ મોત થયું હતું. મૃતક અન્ય રાજ્યનો રહેવાસી હોવાનું જાણવા મળી રહ્યું છે. પોલીસ વિભાગ પાસેથી મળતી પ્રાથમિક માહિતી અનુસાર બાઈક સર્કલ પર સ્લીપ થતાં ટ્રાફિક પોલીસના બૂથ સાથે અથડાઈ હતી અને અકસ્માત સર્જાયો હતો.

આ પણ વાંચોઃ કોડીનાર નજીક ટ્રક અને ST બસ વચ્ચે અકસ્માત સર્જાતા 10 પ્રવાસીઓ ઇજાગ્રસ્ત