અમદાવાદ: અમરાઈવાડીના સુખ સાગર ઔડાના મકાનમાં રમતા બાળકોએ અચાનક બુમો પડતા લોકો ત્યાં શુ થયું તે જોવા દોડી ગયા હતા. ત્યાં જઈને જોયું તો એક નાનું બાળક મૃત હાલતમાં હતું. જેથી સ્થાનિક પ્રવીણભાઈ રાઠોડે આ મામલે પોલીસ કન્ટ્રોલરૂમમાં ફોન કર્યો હતો. તાત્કાલિક અમરાઈવાડી પોલીસ ઘટના સ્થળે પહોંચી હતી. પોલીસને જાણ કરનારની પૂછપરછ કરવામાં આવી હતી.
અમરાઈવાડી વિસ્તારમાં 6 માસની બાળકી મૃત હાલતમાં મળી આવી
- પોલીસે તરછોડી જનાર મહિલા સામે ગુનો નોંધી તેની શોધખોળ હાથ ધરી
- મૃત નવજાત બાળકીના શરીર પર અનેક ઘા મળી આવ્યા છે
- પશુ પક્ષીઓ કોતરી ખાવાનું પોલીસે અનુમાન લગાવ્યું
બાળકીના શરીર પર ઘા જોઈને પોલીસે પ્રાથમિક તપાસમાં અનુમાન લગાવ્યું કે, પશુ-પક્ષીઓએ આ બાળકીને કોતરી નાખી હોઈ શકે છે. બાળકીને તરછોડી ત્યારે જીવિત હાલતમાં પણ હોઈ શકે તેમજ પશુ-પક્ષીઓએ કોતરી નાખતા તેનું મોત થયું હોવાની શંકા પોલીસેને સેવી રહી છે. આ સમગ્ર મામલે પોલીસે તરછોડનાર સામે ગુનો નોધી વધુ તપાસ હાથ ધરી છે.
