અમદાવાદના નારોલમાં બંને આંખો કાઢીને યુવકની કરાઈ હત્યા

અમદાવાદ: શહેરના નારોલ પોલીસ સ્ટેશન વિસ્તારમાં આવેલા હાઈફાઈ ચાર રસ્તા પર પુરુષનો મૃતદેહ મળી આવ્યો છે. હત્યારાઓએ મૃતક પુરુષની બંને આંખો કાઢી નાખી છે. ગુરૂવારે રાત્રે હત્યા થયું હોવાનું અનુમાન લગાવવામાં આવી રહ્યું છે. પોલીસ અને FSLની ટીમ ઘટના સ્થળે પહોંચી છે.

નારોલ વિસ્તારમાં હાઈફાઈ ચાર રસ્તા પાસે એક પુરુષની હત્યા કરાયેલી હાલતમાં મૃતદેહ મળી આવ્યો છે. મૃતક પુરુષની બંને આંખો કોઢી દેવામાં આવી છે. પોલીસ તપાસમાં મૃતક પુરુષનું નામ કનુભાઈ પ્રજાપતિ હોવાનું સામે આવ્યું છે.

આ બનાવ અંગે મૃતકના પરિવારજનોને પોલીસે જાણ કરી છે. ઘટનાને પગલે FSLની ટીમ પણ ઘટના સ્થળે પહોંચી હતી. પોલીસે ગુનો નોંધી વધુ તપાસ હાથ ધરી છે.