કોરોના ટેસ્ટિંગમાં ભારત 5માં સ્થાને, જોકે ચીન સામે ટેસ્ટિંગ 9 ગણું ઓછું

ભારતમાં કોરોના સામે એગ્રેસિવ ટેસ્ટિંગ ન થતું હોવાનો આક્ષેપ કરવામાં આવી રહ્યો છે પરંતુ કુલ 99 લાખથી વધુ ટેસ્ટ સાથે સૌથી વધુ ટેસ્ટિંગ કરનારા દેશોમાં ભારત 5માં સ્થાને છે. જોકે ચીનની સરખામણીએ ભારત 9 ગણું ઓછું ટેસ્ટિંગ કરી રહ્યું છે. ચીન 9 કરોડથી વધુ કોરોના ટેસ્ટ સાથે કુલ ટેસ્ટિંગમાં પહેલાં ક્રમે છે.

અમદાવાદઃ દેશમાં કોરોના પોઝિટિવ કેસનો આંકડો 6.50 લાખને વટાવી ચૂક્યો છે, જોકે તેની સામે 99 લાખથી વધુ ટેસ્ટિંગ ભારતમાં કરવામાં આવ્યાં છે. અમેરિકાએ અત્યાર સુધીમાં કુલ 3 કરોડથી વધુ કોરોના ટેસ્ટિંગ કરી છે, જે તેની કુલ જનસંખ્યાના 10 ટકા જેટલું થાય છે, જોકે ભારતની વસ્તી અમેરિકા કરતા 4 ગણી વધુ છે પરંતુ ચીન ભારત કરતાં વધુ વસતી ધરાવતો હોવા છતાં 9 ગણું વધુ ટેસ્ટિંગ કરી ચૂક્યું છે. ચીન આખા વિશ્વમાં સૌથી વધુ કુલ 9 કરોડ કોરોના ટેસ્ટિંગ કર્યું છે. જ્યાર બાદ અમેરિકા 3.76 કરોડ સાથે બીજા, રશિયા - બ્રિટન 2 કરોડ અને 1 કરોડ બાદ ભારત પાંચમાં ક્રમે છે. નોંધનીય છે કે રશિયાને બાદ કરતાં અન્ય 3 ત્રણ દેશમાં કોરોનાનું આગમન ભારત કરતા ઘણું વહેલું થયું હતું.

કોરોના ટેસ્ટિંગમાં ભારત 5માં સ્થાને, જોકે ચીન સામે ટેસ્ટિંગ 9 ગણું ઓછું

કોરોનાની કુલ ટેસ્ટિંગમાં ચીન 9 કરોડથી વધુ ટેસ્ટ સાથે પહેલાં ક્રમે છે, જોકે પ્રતિ 10 લાખ વ્યક્તિઓ સામે કરાયેલા ટેસ્ટમાં એ ચોથાસ્થાને છે. પ્રતિ 10 લાખ વ્યક્તિ સામે 1.13 લાખ કોરોના ટેસ્ટ સાથે અમેરિકા ટોચ પર છે. પ્રતિ 10 લાખ વ્યક્તિ સામે ભારતમાં કોરોનાના માત્ર 7224 ટેસ્ટ કરવામાં આવે છે. પ્રતિ 10 લાખ વ્યક્તિ સામે કોરોના ટેસ્ટની યાદીમાં અમેરિકા ટોચ પર, ચીન ચોથા ક્રમે અને ભારત 138માં ક્રમે છે. આ શ્રેણીમાં પાકિસ્તાન ભારતથી બે ડગલાં પાછળ 140માં સ્થાન પર છે. ભારતમાં હાલ કોરોનાથી 19,707 દર્દીઓના મોત નીપજ્યાં છે અને વિશ્વમાં કોરોનાથી થતાં મોતમાં ભારત 8માં સ્થાને છે. કોરોનાથી સૌથી વધુ 1.32 લાખ મોત અમેરિકામાં થયાં છે. દર 10 લાખ વ્યક્તિ પૈકી ભારતમાં માત્ર 14 કોરોનાથી મૃત્યુ પામે છે જ્યારે બેલ્જીયમમાં સૌથી વધુ 10 લાખ લોકો સામે 843 દર્દીઓ કોરોનાથી મૃત્યુ પામે છે. ભારતમાં હાલ કોરોના એક્ટિવ કેસની સંખ્યા 2.50 જેટલી છે.અમદાવાદથી રિપોર્ટર આકિબ છીપાનો અહેવાલ