24 કલાકની અંદર સીલ કરેલા પાનના ગલ્લા ખોલવામાં નહીં આવે તો આંદોલન કરીશું: AMC વિપક્ષ નેતા

રાજ્યમાં કોરોના સંક્રમણમાં સતત વધારો થઈ રહ્યો છે, ત્યારે સરકાર તેમજ પોલીસની વારંવાર અપીલ છતાં પણ ઘણા લોકો બહાર નીકળતી વખતે માસ્કનો ઉપયોગ કરતા નથી. જેના કારણે લોકલ સંક્રમણ વધવાનો ખતરો વધી જાય છે. જેથી AMCએ હવે કડક પગલાં લેવાની શરૂઆત પણ કરી દીધી છે. અમદાવાદમાં જાહેરમાં માસ્ક ન પહેરવા અને થૂંકવા બદલ રૂ.200નો દંડ વધારીને રૂ.500 કરવામાં આવ્યો છે. પાનના ગલ્લા પાસે ગ્રાહકો થૂંકતા જોવા મળશે, તો કોર્પોરેશન પાનના ગલ્લાના માલિક પાસેથી રૂ.10,000નો દંડ વસૂલ કરશે.

અમદાવાદઃ સમગ્ર દેશમાં માસ્ક ન પહેરવા પર સૌથી ઓછો 200 રૂપિયા દંડ ગુજરાતમાં વસૂલાતો હતો. જેને વિપક્ષે અયોગ્ય ગણાવ્યો છે. તો સીલ મારેલા એકમોને ખોલવા અંગે પણ હજુ નીતી નહીં બનાવી હોવાથી પાન પાર્લર ખોલી શકાયા નથી ત્યારે આ બાબતનો વિપક્ષે વિરોધ કર્યો છે.

જો કે, મહત્વનું છે કે આ નિયમનું પાલન કરાવવા માટે કોર્પોરેશનના અધિકારીઓએ તાબડતોબ શહેરમાં આવેલા પાન-મસાલાનાં ગલ્લા બંધ કરાવવામાં આવ્યા હતા. જેના પગલે વિપક્ષી નેતા દીનેશ શર્માએ જણાવ્યુ છે કે, પાન પાલરની દંડની રકમમા ઘટાડો કરવામા આવે સાથે સાથે જો 24 કલાકની અંદર સીલ ખોલવામા નહીં આવે તો આંદોલન કરવામા આવશે, કોરોનાની મહામારીમાં નિયમનું પાલન થાય તે જરૂરી છે, પણ કોર્પોરેશન દ્વારા દંડમા વધારો કરી 1 કલાકમાં આડે ધડ ગલ્લા સીલ કર્યા તે યોગ્ય નથી.