હાઇકોર્ટની તંત્રને સ્પષ્ટ ચેતાવણી: ગિરનાર અભ્યારણમાં ગેરકાયદે ખનન અને બ્લાસ્ટની બીજી વખત ફરિયાદ આવવી ન જોઈએ

આજે 1 ઓક્ટોબરે ગુજરાત હાઈકોર્ટમાં ગિરનાર અભ્યારણમાં ચાલતા ગેરકાયદે ખનન અને બ્લાસ્ટ (Illegal mining and blast in Girnar sanctuary) ને લઈ થયેલી અરજી પર સુનાવણી થઈ હતી. કોર્ટે મહત્વનો ચુકાદો આપ્યો છે. જેમાં કોર્ટે અભ્યારણ અને તેની આસપાસના રેડિયસમાં પણ ગેરકાયદે ખનન અને બ્લાસ્ટને રોકવા માટે તંત્રને આદેશ કર્યો છે.

• ગિરનાર અભ્યારણમાં ચાલતા ગેરકાયદે ખનન ઉપર હાઇકોર્ટનું આકરું વલણ
• નગરપાલિકા અને પોલીસ તરત ગેરકાયદે પ્રવૃત્તિ બંધ કરાવે
• હાઇકોર્ટે કર્યો મહત્વનો આદેશ

અમદાવાદ: ગિરનાર અભ્યારણ (Girnar Wildlife Century) માં ચાલતા ગેરકાયદે ખનન અને બ્લાસ્ટ (Illegal mining and blast in Girnar sanctuary) ને લઈ ગુજરાત હાઇકોર્ટમાં થયેલી જાહેર હિતની અરજી ઉપર આજે 1 ઓક્ટોબરે સુનાવણી થઈ હતી. આ સુનાવણીમાં આજે કોર્ટે મહત્વનો ચુકાદો આપ્યો હતો. કોર્ટે ન માત્ર અભ્યારણ પરંતુ તેની આસપાસના રેડિયસમાં પણ ગેરકાયદે ખનન અને બ્લાસ્ટને રોકવા સ્થાનિક સ્વરાજની સંસ્થા અને મુખ્યત્વે પોલીસને આદેશ કર્યો હતો.

આ પણ વાંચો: ગેરકાયદે બાયોડિઝલ: રાજકોટ રેન્જ દ્વારા 1100 જેટલા સ્થળોએ પાડવામાં આવ્યા દરોડા

કોર્ટે પોતાના આદેશમાં શું જણાવ્યું ?

કોર્ટે પોતાના આદેશમાં જણાવ્યું હતું કે, ભારતીય બંધારણની કલમ 266 અંતર્ગત હાઇકોર્ટમાં થયેલી અરજીમાં જણાવ્યા મુજબની સમસ્યા ખૂબ જ મહત્વપૂર્ણ છે. ગિરનાર વાઈલ્ડ લાઈફ સેન્ચુરી (Girnar Wildlife Century) માં ઇકોસેન્સિટિવ ઝોનમાં પર્યાવરણ હેઝારડ્સથી ઘણું નુકશાન થઇ રહ્યું છે. જોકે પ્રશાસને કોર્ટમાં કરેલી રજૂઆતો મુજબ હાલમાં આ પ્રકારની પ્રવૃતિઓ બંધ કરવામાં આવી છે અને જવાબદારો સામે કડક પગલાં પણ લેવામાં આવ્યા છે. આ માટે કડક દેખરેખની પણ જોગવાઈ કરવામાં આવી છે પણ પોલીસ વિભાગની એ જવાબદારી રહેશે કે, આ પ્રકારની કોઈ પ્રવૃત્તિ હવેથી ન થાય. બીજી વખત આવી ફરિયાદ લઈને કોઈ પણ વ્યક્તિ કોર્ટમાં આવવી જોઈએ નહીં.

આ પણ વાંચો: અધિકારીઓ પાસે જવાબ ન હોય એટલે મુદત માંગે છે- હાઇકોર્ટ