One Station-One Product Scheme : અમદાવાદ રેલવે સ્ટેશન પર આર્ટીશિયનો માટે શરુ કરાયા હેંડીક્રાફ્ટ સ્ટોલ્સ

ભારતીય રેલ્વે દ્વારા આત્મનિર્ભર ભારતને સાકાર કરવા સ્થાનિક ઉત્પાદનોને લોકપ્રિય અને બધા માટે સુલભ બનાવવા માટે વર્ષ 2022-23ના કેન્દ્રીય બજેટમાં(Union Budget 2022-23) “એક સ્ટેશન-એક ઉત્પાદન યોજના”("One Station-One Product Scheme") શરૂ કરવામાં આવી છે. આ ક્રમમાં, અમદાવાદ રેલ્વે સ્ટેશન પર "હેન્ડલૂમ કાર્પેટ અને અન્ય ફ્લોરિંગ પ્રોડક્ટ્સ" માટે પ્રાયોગિક ધોરણે એક સ્ટોલ(Handicraft stalls started In Ahmedabad) ઉભો કરવામાં આવ્યો છે.

અમદાવાદ : “એક સ્ટેશન-એક ઉત્પાદન યોજના”("One Station-One Product Scheme") અંતર્ગત મુસાફરોને સસ્તા દરે વધુ સારી અને ઉચ્ચ ગુણવત્તાની સ્થાનિક પ્રોડક્ટ્સ પ્રદાન કરવાનો હેતું રહેલો છે. આ યોજના અંતર્ગત સ્થાનિક ઉત્પાદકો પણ આત્મનિર્ભર બની શકશે. આ માટે અમદાવાદ રેલ્વે સ્ટેશન પરના ગેટ નંબર 1 પાસે "હેન્ડલૂમ કાર્પેટ અને અન્ય ફ્લોરિંગ પ્રોડક્ટ્સ"ના સ્ટોલ(Handicraft stalls started In Ahmedabad) ઉભા કરવામાં આવ્યા છે. પ્રાયોગિક ધોરણે આગામી 15 દિવસ માટે રૂપિયા 500ની નજીવી ટોકન રકમ પર સ્ટોલ ફાળવવામાં આવ્યા છે.

આ પણ વાંચો - XE Corona Variant in Gujarat : વડોદરામાં Corona XEનો નોંધાયો પ્રથમ કેસ, રિપોર્ટ આવે તે પહેલાં દર્દી થયો ફરાર

'વન સ્ટેશન વન પ્રોડક્ટ' યોજના - ડિવિઝનલ રેલ્વે પ્રવક્તા, જે.કે.જયંતના જણાવ્યા અનુસાર, આ યોજના હેઠળ, રેલ્વે સ્ટેશનો પર તે સ્થળની ચોક્કસ પ્રોડક્ટના વેચાણ માટે સ્ટોલ ઉભા કરવામાં આવ્યા છે. ઉત્પાદનોના સ્ટોલ લગાવવાથી મુસાફરો સરળતાથી રેલવે સ્ટેશનની વિશિષ્ટ પ્રોડક્ટ વિશે પણ જાણી શકશે. 'વન સ્ટેશન વન પ્રોડક્ટ' સ્કીમ સ્થાનિક ઉત્પાદનોના પ્રચારમાં મદદ કરશે. આ યોજનાનો મુખ્ય ઉદ્દેશ્ય રેલ્વેનો ઉપયોગ કરીને સ્થાનિક ઉત્પાદનોની સપ્લાય ચેઇનને સુધારવાનો છે.

આ પણ વાંચો - Vehicle Scrap Yard Bhavnagar: ભાવનગર વ્હિકલ સ્ક્રેપ યાર્ડને મંજૂરી મળ્યાને એક વર્ષ થવા આવ્યું છતાં કોઈ કામકાજ શરૂ નહીં