- RT-PCR ટેસ્ટમાં પણ કોરોના હોવા છતાં રિપોર્ટ નેગેટિવ આવી શકે છે
- કોરોનાના લક્ષણો હોય અને રિપોર્ટ નેગેટિવ આવે તો સિટીસ્કેન કરાવો
- હાઇકોર્ટે સરકારને સિટીસ્કેનની સુવિધા પણ ઉભી કરવા કરી હતી ટકોર
અમદાવાદઃ એક તરફ જ્યાં હાલ મોટા પ્રમાણમાં લોકો કોરોના ટેસ્ટિંગ માટે ક્યાંક તો એન્ટિજન ટેસ્ટિંગ અથવા તો RT-PCR ટેસ્ટ કરાવતા હોય છે ત્યારે આ ટેસ્ટ પણ ખોટા હોવાની શક્યતા ઉભી થઈ રહી છે. એ મહત્વનું છે કે, RT-PCR ટેસ્ટ પણ 32 ટકા કિસ્સાઓમાં કોરોનાના લક્ષણો હોવા છતાં રિપોર્ટ નેગેટિવ જનરેટ કરી શકે છે. વાત એન્ટિજન ટેસ્ટ કરવામાં આવે તો એન્ટિજન ટેસ્ટમાં પણ 48 ટકા કિસ્સાઓમાં કોરોનાના લક્ષણો હોવા છતાં રિપોર્ટ નેગેટિવ આવી શકે છે.
આ પણ વાંચોઃ અમદાવાદમાં યુનિવર્સિટી કન્વેનશન સેન્ટરમાં 900 બેડના કોવિડ સેન્ટરની તૈયારીઓ શરૂ
કઈ રીતે રિઝલ્ટ મેળવી શકાય?
સિટીસ્કેનના માધ્યમથી રિપોર્ટ કરાવવામાં આવે તો 97 ટકા કિસ્સાઓમાં એક્યૂરેટ એટલે કે સાચું પરિણામ જાહેર થવાની શક્યતા છે. તેવામાં મહત્વનું છે કે જ્યારે પણ કોરોનાના લક્ષણો જણાઈ આવે અને RT-PCR ટેસ્ટ નેગેટિવ આવે તો તેવામાં તરત તાત્કાલિક ધોરણે સિટીસ્કેન કરાવી લેવામાં આવે.
આ પણ વાંચોઃ નવસારીમાં છેલ્લા 16 દિવસોમાં કોરોનાના 550 પોઝિટીવ કેસ નોંધાયા
રાજ્યમાં કોરોનાના કેસ 5,000ને પાર આવી રહ્યા છે
મહત્વનું છે કે, કોરોનાની અસરના કારણે લન્ગસ ઉપર પણ ગંભીર અસર પડી શકે છે. એવામાં સિટીસ્કેન જ કારગર સાબિત થઈ શકે છે. આ સાથે જ રાજ્યમાં સતત કોરોનાના કેસ વધી રહ્યા છે. હવે તો રાજ્યમાં કોરોનાના કેસ 5,000ને પાર આવી રહ્યા છે. તો ગુજરાતમાં અત્યાર સુધી 1 કરોડ લોકોનું વેક્સિનેશન થઈ ચૂક્યું છે.
