રાજ્યસભાની ચૂંટણીને લઈ ભાજપ પક્ષના નિરીક્ષક ભૂપેન્દ્ર યાદવ પહોંચ્યાં અમદાવાદ

ગુજરાતમાં રાજ્યસભાની ચૂંટણી ખૂબ જ ચર્ચાસ્પદ બની છે. ત્યારે ભાજપ કોંગ્રેસ બંને પક્ષ પોતાના ઉમેદવારોને જીતાડવા માટે થઈ એડીચોટીનું જોર લગાવી રહ્યાં છે. ત્યારે ભાજપ પ્રભારી ભૂપેન્દ્ર યાદવ અમદાવાદ આવી પહોંચ્યા છે.

અમદાવાદઃ કેન્દ્રીય ચૂંટણીપંચના નિરીક્ષકો સાથે ગુજરાતમાં ધારાસભ્યો સાથે બેઠક યોજાશે. આ દરમિયાન મતદાન અંગે અને અગ્રતા મુદ્દે ધારાસભ્યોને માહિતગાર કરાશે જ્યારે ભાજપના ધારાસભ્યોને ચૂંટણી સુધી ગાંધીનગરમાં રહેવાના આદેશ કરાયાં છે ત્યારે નિરીક્ષક તરીકે નિમાયેલ ભૂપેન્દ્ર યાદવ અમદાવાદ આવી પહોંચ્યાં છે. જેઓ ભાજપ ધારાસભ્યો સાથે બેઠક કરી ચૂંટણી અંગે માહિતગાર કરશે.

રાજ્યસભાની ચૂંટણીને લઈ ભાજપ પક્ષના નિરીક્ષક ભૂપેન્દ્ર યાદવ અમદાવાદ પહોંચ્યાં

રાજ્ય સભાની ચૂંટણીને આડે હવે બે દિવસ બાકી છે. ત્યારે રાજ્યસભાની ચૂંટણી માટે ભાજપ દ્વારા નિરીક્ષકોની નિમણૂક કરાઇ છે. ભાજપ દ્વારા કેન્દ્રીય નિરીક્ષક તરીકે ભૂપેન્દ્ર યાદવ અને આશિષ ટેલરની નિમણૂક કરવામાં આવી છે. આ બંને નેતાઓ ગુજરાત આવી પહોંચ્યાં છે. સાથે જ હવે ધારાસભ્ય સાથે બેઠક કરી ધારાસભ્યોને ચૂંટણી સંદર્ભે માર્ગદર્શન આપવામાં આવશે.