અમદાવાદઃ આમ તો વિશ્વ વિખ્યાત એવા જ્યોતિષી અને ભવિષ્યવાણી કરનાર ગણેશ ભક્ત બેજાન દારુવાલાને કોઈ પરિચયની જરૂર નથી. અમેરિકાના હાર્પર કોલિન્સ દ્વારા પ્રકાશિત The Millennium Book of Prophecyમાં છેલ્લા 1000 વર્ષોમાં ગણેશ ભક્ત બેજાન દરુવાલાને 100 મહાન જ્યોતિષીઓમાંના એક તરીકે સ્વીકારવામાં આવ્યાં છે. જ્યારે દલાઇ લામા દિલ્હી આવ્યા ત્યારે દલાઈ લામાએ તેમના માથા પર બેજાન દારુવાલાને હાથ મૂકવાનું કહ્યું ત્યારે બેજાન ઘણા ખુશ અને ઉત્સાહિત થયા હતાં. બેજાન દારુવાલા ફક્ત એટલું જ કહે છે, કૃપા કરીને મારી પ્રામાણિકતા પર શંકા ન કરો અને કૃપા કરીને ખાતરી કરો કે હું ખુલ્લું મન રાખું છું, હસું છું અને ખૂબ જ સરળતાથી રડું છું, અને સમગ્ર વિશ્વને સ્વીકારવા માટે હૃદય એટલું મોટું રાખું છું.
ગણેશજી કહે છે કે જીવન અને જ્યોતિષમાં સમય એ ખૂબ મહત્વનો છે, સમય એટલે મારા કહેવાનો અર્થ એ છે કે યોગ્ય વ્યકિત યોગ્ય સમયે અને યોગ્ય સ્થળે મળે છે. બેજાન દારુવાલાનો જન્મ તારીખ 11 જુલાઇ, 1931ના રોજ થયો હતો. ભગવાન ગણેશના પ્રખર ભક્ત એવા બેજાનજી પારસી (ઝોરિઓસ્ટ્રિયન) પૃષ્ઠભૂમિના હોવા સાથે પ્રેમાળ અને દયાળુ, બેજાનજીએ તેમની બેબાક આગાહીઓ માટે અનેક પ્રશંસાઓ અને વ્યાપક ઓળખ મેળવી હતી. જ્યારે જ્યોતિષીઓની આગાહી કરવા માટે પુષ્કળ જ્યોતિષીઓ એક અથવા બે પદ્ધતિઓને અનુસરે છે, ત્યારે બેજાન વૈદિક અને પાશ્ચાત્ય જ્યોતિષવિદ્યા, આઇ-ચિંગ, ટેરોટ, ન્યુમરોલોજી, કાબલાહ અને હસ્તરેખાશાસ્ત્રના સિદ્ધાંતો જોડવા માટે જાણીતા હતા.
આ તમામ પદ્ધતિઓનું યોગ્ય જોડાણ કરીને તેઓ ખૂબ સચોટ અને સુસંગત આગાહીઓ કરવા માટે સક્ષમ હતા. તેઓ આંતરિક અવાજ પર આધાર રાખતા હતા. અને ગણેશજીના આશીર્વાદ શોધી અને આગાહી કરતા હતા, જેથી લોકો તેમની પાસે વધુ આવતાં હતા. બેજાન દારુવાલા યુએસએના સર્વશ્રેષ્ઠ જ્યોતિષી તરીકે પણ ઓળખાયા હતા.
બેજાન દારુવાલા આખા વિશ્વના સંખ્યાબંધ અખબારો, સામયિકો, ટેલિવિઝન ચેનલો અને પ્રકાશન ગૃહો સાથે નજીકથી સંકળાયેલા હતા. તેઓ એનબીસી અને એબીસી ટીવી ચેનલો પર કોલંબસ, ન્યૂયોર્ક, ઓહિયોમાં ભવિષ્યવાણી કરતાં દેખાયા હતા અને બીબીસી પર હાર્ડ ટોક ઇન્ડિયામાં તેમણે ભવિષ્યવાણી કરી હતી. તદુપરાંત, બેજાન દારુવાલાની દ્રષ્ટિ અને સચોટ આગાહીઓએ તેને શ્રેષ્ઠ વેચાણ કરતાં ભારતીય લેખકોના પ્રતિષ્ઠિત જૂથમાં સ્થાન પ્રાપ્ત કર્યું છે. તેમના લેખો-આગાહીઓ નિયમિતરૂપે દેશ અને વિદેશના અખબારોમાં છપાતા હતા. ટૂંકમાં જ્યોતિષી ગણેશ બેજાન દારુવાલા વિશ્વ વિખ્યાત જ્યોતિષી બની ગયા હતા.
બેજાન દારુવાલાને 27 ઓગસ્ટ, 2000 ના રોજ "The Astrologer of the Millennium"નો એવોર્ડ મળ્યો હતો. ઉપરાંત ફેડરેશન ઓફ ઇન્ડિયન એસ્ટ્રોલોજર્સે તેમને સર્વોચ્ચ એવોર્ડથી સન્માનિત કર્યા છે. વૈદિક જ્યોતિષવિદ્યાની ડિગ્રી-જ્યોતિષી મહાહોધ્યાધ્યાય, જ્યારે સેન્ટ પીટર્સબર્ગની ધી રશિયન સોસાયટી ઓફ એસ્ટ્રોલોજર્સે તેમને 2009નો સર્વશ્રેષ્ઠ જ્યોતિષીનો એવોર્ડ આપ્યો હતો. તેમ છતાં તે તેના અનુયાયીઓનો તેમના પર પ્રેમ અને સ્નેહ હોવાનું જણાવ્યું હતું, તેની સાથે ગણેશજીના આશીર્વાદને સર્વોચ્ચ અને સૌથી કીમતી ઈનામ અને એવોર્ડ માન્યા હતા. ગણેશજીએ તેમને હંમેશા સક્ષમ બનાવ્યા છે. બેજાનજી હંમેશાં સંપૂર્ણ આત્મવિશ્વાસ સાથે લોકોને મદદ અને સહાય કરતા હતા. ટૂંકમાં તમે મિત્ર જ્યોતિષી તરીકે બેજાન દારુવાલાને કહી શકો. બેજાન દારુવાલાના શબ્દો હતા કે જીવંત રહો, પ્રેમ કરો અને હસો, આને તમારા જીવનના સૂત્ર તરીકે રાખશો તો તમે હંમેશા ખુશ રહેશો.
જાણીતા જ્યોતિષી બેજાન દારુવાલાએ 29 માર્ચ, 2012 ના રોજ અમદાવાદના કનોરિયા આર્ટ સેન્ટર ખાતે નરેન્દ્ર મોદી વડાપ્રધાન બનવાની સચોટ આગાહી કરી હતી. અમેરિકાના પૂર્વ પ્રેસિડેન્ટ બરાક ઓબામા માટે બેજાન દારુવાલાએ કહ્યું હતું કે, ઓબામા નિયતિનો માણસ છે, તેમનો જન્મ 4 ઓગસ્ટ, 1961ના રોજ થયો છે. આ માટે નંબર-4એ અમેરિકા ઈતિહાસમાં મહત્વપૂર્ણ છે અને આથી જ 4 અંક ધરાવતાં ઓબામા અમેરિકાના ઈતિહાસમાં મહત્વપૂર્ણ ભૂમિકા ભજવશે, તેવી આગાહી દારુવાલાએ કરી હતી. તેઓ ભારતને મદદ કરશે.
બીજા શબ્દોમાં કહીએ તો અમેરિકા 4 નંબર સાથે મજબૂત જોડાણ ધરાવે છે. નંબર 4 એ યુરેનસનું પ્રતીક છે. યુરેનસ ક્રાંતિ, આમુલ વિચારો, સ્વતંત્રાની સુનામી, વિજ્ઞાન, એવિએશન, ઈલેક્ટ્રોનિક્સ, કોમ્યુનિકેશન અને ટ્રાન્સપોર્ટેશનમાં તથા પબ્લિસિટીમાં કંઈક નવું કરી શકે છે. નવી ક્રાંતિ પણ લાવી શકે છે. આ આગાહી તેમની સાચી પડી હતી. બેજાન ખરેખર માને છે કે દેવતા, કરુણા અને દરેક માટે સમાન અધિકાર એ જીવનની જ વાસ્તવિક ત્રિપુટી છે.
નામ: બેજાન જહાંગીર દારુવાલા
નામ જ્યોતિષી તરીકે ઉપયોગમાં લેવાય છે: બેજાન દારુવાલા
પારિવારમાં પત્ની: ગુલી એ એક ખૂબ જ સરસ ટેરોટ કાર્ડ રીડર છે, પુત્ર: નસ્તુર- ખૂબ સરસ જ્યોતિષી અને દત્તક દીકરો ચિરાગ લડસરીયા છે.
સૂર્ય નિશાની: Cancer
અભ્યાસ: અંગ્રેજીમાં પીએચડી
એવોર્ડઃ ભારતીય જ્યોતિષીઓના ફેડરેશન દ્વારા વૈદિક જ્યોતિષવિદ્યાની ઉચ્ચતમ ડિગ્રી, "જ્યોતિષ મહાહોપાધ્યાય" એનાયત કરાઈ છે, 19 એપ્રિલ, 2017ના રોજ બેજાન દારુવાલાને ડૉ. બાબાસાહેબ આંબેડકર નોબલ એવોર્ડ અપાયો હતો
ખોરાક: પસંદ-બધુ જ ખાતા હતા, નાપસંદ-ડાયાબિટીઝને કારણે મીઠાઈ ખાઈ શકતા ન હતા
પહેરવેશ: રંગબેરંગી કપડાં
મુસાફરી કરવા માટેનું પ્રિય સ્થળ: જગ મંદિર આઇલેન્ડ રિસોર્ટ અને શિકરબડી, મહારાણા અરવિંદસિંહજી મેવાડ
શોખ- શાસ્ત્રીય સંગીત સાંભળવું અને કાર્ટૂન જોવું
પ્રિય અભિનેતા: અમિતાભ બચ્ચન અને સલમાન ખાન
પ્રિય અભિનેત્રી: કરિશ્મા કપૂર
પ્રિય ગાયક: ભીમસેન જોશી અને પંડિત જસરાજ જેને હું શાસ્ત્રીય સંગીતના ક્ષેત્રમાં જીવંત દંતકથા સમાન માનું છું
જીવનનું સુત્ર: બધાને રહેવા માટે વિશ્વને વધુ સારું સ્થાન આપવું
જ્યોતિષવિદ્યાના વિદ્યાર્થીઓને સલાહ: સહનશીલતા જ સફળતાની ચાવી છે માટે ધૈર્ય રાખો
ભરત પંચાલ બ્યૂરો ચીફ, અમદાવાદ
