અમદાવાદઃ કોરોનાની મહામારી હાલ સમગ્ર દેશમાં ચાલી રહી છે, ત્યારે પાટડી ગામમાં સેવાભાવી લોકો છેલ્લા બે માસથી આયુર્વેદિક ઉકાળાનું વિતરણ કરી રહ્યા છે. ઝાલા ભાઇ અને ચકા સોની દ્વારા છેલ્લા બે મહિનાથી આયુર્વેદિક ઉકાળો બનાવી પાટડીની બજારમાં બધી દુકાનોમાં તેમજ બજારમાંથી નીકળતા લોકોને આ આયુર્વેદિક ઉકાળો પીવડાવી રહ્યા છે.
આ આયુર્વેદિક ઉકાળાનું વિતરણ દરમિયાન સેવા કરતા લોકોનો ઉત્સાહ વધારવા માટે કેટલાક વેપારીઓ ગોળ, લીંબુ, ફુદીનો જેવી વસ્તુઓ ઉકાળો બનાવવા માટે આપી રહ્યા છે. અંદાજીત 500 જેટલા વ્યક્તિઓને ઉકાળો બનાવી પીવડાવવામાં આવે છે. 60 વર્ષથી ઉપરના લોકો તો સ્પેશિયલ ઉકાળો પીવા અચૂક આવે છે. આ સેવાની પ્રવૃત્તિને ગ્રામજનોએ બિરદાવી હતી.
