રિક્ષા અને કાર વચ્ચે અકસ્માત સર્જાયો અને મળી આવ્યો દારૂ

શહેરમાં વહેલી સવારે રિક્ષા અને કાર વચ્ચે અકસ્માત સર્જાયો હતો. અકસ્માતમાં 2 વ્યક્તિ ઘાયલ થયાં હતાં. જ્યારે ગાડીની તપાસ કરવામાં આવી ત્યારે ગાડીમાંથી ઈંગ્લિશ દારૂ મળી આવ્યો હતી.

અમદાવાદઃ શહેરના વિજય ચાર રસ્તા પાસે વહેલી સવારે 6-15 વાગ્યાના અરસામાં રિક્ષા અને કાર વચ્ચે અકસ્માત સર્જાયો હતો. અકસ્માતમાં રિક્ષાચાલક સહિત 2 વ્યક્તિ ઇજાગ્રસ્ત થયાં હતાં જેમને સારવાર માટે સોલા સિવિલ ખસેડવામાં આવ્યાં હતાં. ઘટનાની જાણ થતાં સ્થાનિક પોલીસ અને ટ્રાફિક પોલીસ પણ ઘટના સ્થળે પહોંચી હતી ત્યારે ઘટના સ્થળેથી ગાડીનો ડ્રાઇવર ગાડી મૂકીને ફરાર થઈ ગયો હતો.

ગાડીમાં પોલીસે તપાસ કરતાં બિયર અને ઈંગ્લિશ દારૂની બોટલો મળી આવી હતી. અકસ્માત મામલે ટ્રાફિક પોલીસે ગુનો નોંધ્યો હતો જ્યારે દારૂ મળી આવવા બાબતે યુનિવર્સિટી પોલીસે ગુનો નોંધી તપાસ શરૂ કરી છે. હાલ તો ફરાર ડ્રાઇવરની શોધખોળ ચાલુ છે.પોલીસે ગાડીના નંબર પરથી કાર ચાલક વિરુદ્ધ ગુનો નોંધ્યો છે અને ફરાર કારચાલકની શોધખોળ હાથ ધરી છે.