અમદાવાદઃ યુથ કોંગ્રેસના પ્રમુખ ભૂમન ભટ્ટના જણાવ્યાનુસાર, નેશનલ રજીસ્ટર ઓફ અન એમ્પલોઈમેન્ટ દ્વારા રજૂ કરવામાં આવેલા આંકડા મુજબ શહેરી વિસ્તારમાં 9 ટકા, ગ્રામીણ વિસ્તારમાં 6.8 ટકા, સ્ત્રીઓમાં 17.5 ટકા અને ભારતનો હાલનો બેરોજગારીનો દર 7.5 ટકા છે.
અમદાવાદ યુથ કોંગ્રેસે બેરોજગારીનું સંકટ ઉજાગર કરવા શરૂ કર્યું અભિયાન
આ આંકડા જોતા યુથ કોંગ્રેસ દ્વારા સરકાર પાસે NRUની માંગણી કરવામાં આવી છે. આ માંગણી માટે યુથ કોંગ્રેસે એક અભિયાન પણ શરૂ કર્યું છે. જે 23 જાન્યુઆરીથી નવી દિલ્હી ખાતેથી શરૂ થયું છે. આ અભિયાન મંગળવારથી ગુજરાતમાં પણ શરૂ કરવામાં આવ્યું છે. જેમાં ટોલ ફ્રી નંબર પણ રાખવામાં આવ્યો છે. આ નંબર લોકો મિસ કોલ કરીને સમર્થન આપી શકે છે.
