- અમદાવાદમાં સૌથી મોટું પાર્કિંગ બનાવવામાં આવી રહ્યું છે
- એક સાથે 1,000થી વધુ કારને પાર્ક કરી શકાશે
- ઇલેક્ટ્રિક વાહનોને ઇ-ઝોનમાં ચાર્જ પણ કરી શકાશે
ન્યૂઝ ડેસ્ક : આજ કાલ ટ્રાફિકની સમસ્યાઓ ખુબ જ વધી રહી છે, ત્યારે રાજ્યમાં વાહન પાર્કિગને કારણે જ ટ્રાફિકની સમસ્યા વધુ પ્રમાણમાં જોવા મળતી હોય છે, ત્યારે અમદાવાદમાં શહેરનું સૌથી મોટુ સ્માર્ટ પાર્કિંગ બનશે. આ એક જ સ્થળે 1,000થી વધુ કાર પાર્ક કરી શકેશે. આ પાર્કિંગની ખાસ વિશેષતા એ છે કે MLCP દ્વારા ઓટોમેટિક પાર્કિંગ થશે. શહેરમાં પાર્કિંગની સમસ્યા સામે આ પાર્કિંગ સૌથી મોટી રાહત છે. રિવરફ્રન્ટની પશ્ચિમ બાજુના ઇવેન્ટ ગ્રાઉન્ડની સામે સ્માર્ટ પાર્કિંગ હાલ બનાવવામાં આવી રહ્યું છે.
ઇલેક્ટ્રિક વાહનો માટે ઇ-ઝોન
સાબરમતી રિવરફ્રન્ટ ડેવલપમેન્ટ કોર્પોરેશન લિમિટેડ (SRFDCL) ના અધિકારીએ દાવો કર્યો છે કે, આગામી આઇકોનિક ફુટ ઓવરબ્રિજ મલ્ટી લેવલ પાર્કિંગ સુવિધા સાથે સીધો જોડાયેલું હશે. ફૂટ-ઓવર બ્રિજની મુલાકાત લેનારા લોકો MLCP પર તેમના વાહનો પાર્ક કરી શકશે. આ સાથે જ ઇલેક્ટ્રિક વાહનો માટે ઇ-ઝોન બનાવવામાં આવશે, જ્યાં મુલાકાતીઓ તેમના વાહનો ચાર્જ કરી શકે છે.
