અમદાવાદ: COVID -19ના કપરાકાળમાં મહિલા કારીગરોને સૌથી વધુ અસર થઈ હતી અને ઘણા શ્રમજીવી બહેનો લોકડઉનને કારણે તેમને કાચોમાલ મેળવવામાં પણ અનેક મુશ્કેલી જનક પરિસ્થિતિનો સામનો કરવો પડ્યો હતો. આરોગ્ય વીમો ન હોવાથી તબીબી ખર્ચમાં અચાનક વધારો થતાં નાણાકીય તકલીફ પણ ઉભી થઈ ગઈ હતી તો બીજી તરફ તેમની રોજગારી પણ બંધ થઈ ગઈ હતી.
લોકડાઉન દરમિયાન 150 મહિલા કારીગરોને કાયમી રોજગારી આપી
સેવા સહકારી ફેડરેશને (Seva Co operative Federation) કોવિડના અનુભવમાંથી મળેલ સીખને આધારે બહેનોને કાયમી રોજગાર આપવા મશીન અને કાચો માલ મેળવવાની અત્યંત જરુરિયાતને પારખી અને શ્રમજીવી બહેનોને ફોન દ્વારા ડિજિટલ સાક્ષરતા અંતર્ગત ઓનલાઇન માસ્ક અને PPE કિટના ઉત્પાદનની તાલીમ (Trained women to make masks and PPE kits online) આપવામાં આવી હતી. જોકે લોકડાઉન દરમિયાન 150 મહિલા કારીગરોને કાયમી રોજગારી આપી 3 લાખથી વધુ માસ્કનુ ઉત્પાદન કરવામાં આવ્યું હતું.
80 મહિલા કારીગરોને આપવામાં આવશે સિલાઈ મશીન અને ટૂલ કિટ્સ
સુક્ષ્મ લઘુ અને મધ્યમ ઉદ્યોગ મંત્રાલય હેઠળના ખાદી અને ગ્રામ ઉદ્યોગ કમિશનરએ પરંપરાગત ઉદ્યોગોના પુનર્જીવન માટેની યોજના સાથે સેવા કોઓપરેટીવ ફેડરેશનને જોડાણ કરી 309 મહિલા કારીગરોને એક ક્લસ્ટરમાં સંગઠિત કરવા કૌશલ્યવર્ધન તાલીમો આપી બહેનોને લાંબા ગાળાની કાયમી રોજગારી માટેનો ત્રણ વર્ષનો પ્રોજેક્ટમાં અમદાવાદ કડી અને કલોલની 80 મહિલા કારીગરોને સિલાઈ મશીન અને ટૂલ કિટ્સ આપવામાં આવશે.
ડિઝાઇન સેલ જેવી મશીનરીથી સજ્જ કેન્દ્ર બનાવવામાં આવશે
કડી મહેસાણામાં કોમન ફેસિલિટેશન સેન્ટર કલાકૃતિ ગારમેન્ટ એપેરલ ક્લસ્ટર (Common Facilitation Center Artwork Garment Apparel Cluster) બનાવવામાં આવી રહ્યું છે આ સેન્ટરમાં લેઝર કટીંગ મશીન, સિલાઈ મશીન, બ્લોક પ્રિન્ટીંગ, યુનિટ તાલીમ કેન્દ્ર, કાચા માલની બેંક અને એક ડિઝાઇન સેલ જેવી મશીનરીથી સજ્જ કેન્દ્ર બનાવવામાં આવશે. અબોદાના હસ્તકલા મંડળીના સભ્ય કે જેમની પાસે સિલાઈ મશીન અથવા કાચો માલ ન હોય તેઓ સેન્ટરમાં આવી કામ કરશે તે પ્રકારની વ્યવસ્થા બનાવવામાં આવી રહી છે.
સરકારી યોજનાઓથી પણ માહિતગાર કરવામાં આવ્યા
પ્રથમ ટૂલ કિટ્સ વિતરણ આયોજનમાં સેવા કોઓપરેટીવ ફેડરેશનની 20 મહિલા કારીગરોને ઘરે બેઠા કાયમી રોજગારી ચાલુ કરે તે માટે સિલાઈ મશીન આપવામાં આવ્યા હતા. આ ઉપરાંત સરકારી યોજનાઓથી પણ માહિતગાર કરવામાં આવ્યા હતા જેમાં સેવા કોઓપરેટિવના મેમ્બર અને સભ્યો ઉપસ્થિત રહ્યા હતા.
સેવા કોઓપરેટિવ ફેડરેશન
સેલ્ફ એમ્પ્લોઇડ વિમેન્સ એસોસિએશનએ (Self Employed Women's Association) 1972માં નોંધાયેલા અસંગઠિત વર્ગના મહિલા કામદારોનું ટ્રેડ યુનિયન છે કે જેમાં 18 રાજ્યોમાં 1.8 મિલિયનથી વધુ સક્રિય સભ્યો જોડાયેલા છે. સેવાએ ભારતના સૌથી જૂનું અને સૌથી રાષ્ટ્રીય ટ્રેડ યુનિયનો માનું એક યુનિયન છે. કામદારોના અધિકારની સાથે સેવાએ અસંગઠિત કામદારોની કાયમી રોજગારીની જરૂરીયાતને ઓળખી અને ૧૯૯૨માં સેવા કો-ઓપરેટીવ ફેડરેશનની નોંધણી કરવામાં આવી હતી.
બહેનોના આર્થિક સશક્તિકરણ અને આત્મનિર્ભરતા માટે પ્રતિબદ્ધ
આ રાષ્ટ્રીય ફેડરેશનમાં હાલ ખેતી અને પશુપાલન હસ્તકલા કારીગરો સેવા આપનાર બચત અને ધિરાણ અને શ્રમ આધારિત એવા 6 ક્ષેત્રોમાં 110થી વધુ મહિલાઓની માલિકીની અને આગેવાની હેઠળની સહકારી મંડળીઓની રચના કરી બહેનોના આર્થિક સશક્તિકરણ અને આત્મનિર્ભરતા માટે પ્રતિબદ્ધ છે.
ત્રણ લાખ મહિલા કામદારોની સંગઠિત કર્યા
સેવા કો-ઓપરેટીવ ફેડરેશન આ મહિલા સાહસોને રાષ્ટ્રીય અને આંતરરાષ્ટ્રીય સ્તરે દ્રશ્યતા નાણાકીય સહાય અને મહિલા મંડળીઓ નિર્ણય લેવાની દ્રષ્ટિએ પગભર થાય તે માટે જરૂરી સહાયક સેવાઓ અને મંડળીઓના ઉત્પાદનનો અને સેવામાં નવીનીકરણ વિસ્તારીકરણમાં મદદરૂપ કરવાનું કામ કરી રહ્યા છે. તો બીજી તરફ 110 મહિલા સાહસોને પ્રોત્સાહિત કરી ત્રણ લાખ મહિલા કામદારોની સંગઠિત કર્યા જેમાંથી આજે 65 મહિલા સાહસો સક્રિયપણે કાર્ય કરી રહ્યા છે અને 88% પગભર છે.
આ પણ વાંચો: કચ્છ જિલ્લાના 47 સખીમંડળની બહેનોએ 1 લાખથી વધુ માસ્ક તૈયાર કર્યાં
આ પણ વાંચો: કોરોનાની મહામારી વચ્ચે જામનગરના સખીમંડળોની પહેલ, ઘર બેઠા માસ્કનું ઉત્પાદન
