અત્યારે IPLની સિઝન ચાલી રહી છે તમામ ક્રિકેટ રસિયાઓ IPLની મેચને લઈને ઉત્સુક હોય છે ત્યારે આ મેચને લઈને સટ્ટો જુગારીઓ સટ્ટો રમાડતા હોય છે. જેને લઈને પોલીસનું પેટ્રોલિંગ સતત ચાલતું હોય છે ત્યારે અમદાવાદમાં વસ્ત્રાપુરના પકવાન ચાર રસ્તા પાસે એક ટી સ્ટૉલ માં 5-6 લોકો પ્રોજેક્ટરપર મેચ જોઈને ઓનલાઇન વેબસાઈટમાં કોઈન ખરીદી આ સટ્ટો રમતા હતા.
સટ્ટો રમતા 5 આરોપીની ધડપકડ
એકબીજાને વોટ્સએપમાં મેસેજ કરીને પ્લેયરની પસંદગી કરતા હતા. જેમાં વસ્ત્રાપુર પોલીસે બાતમીના આધારે 5 આરોપીને ઝડપી પાડ્યા હતા. મહત્વનું છે કે, આ વેબસાઇટ બનાવનાર માસ્ટર માઈન્ડ 1 આરોપી હજુ ફરાર છે. વસ્ત્રાપુર પોલીસે માસ્ટર માઈન્ડને પકડવા માટે ચક્રો ગતિમાન કર્યા છે. તેમજ આ 5 આરોપી વિરૃદ્ધ ગુનો નોંધી વધુ તપાસ હાથ ધરી છે.
