ક્રાઈમ બ્રાન્ચને માહિતી મળી હતી કે, સરદાર બાગ પાસે ચરસની ડીલ થવાની છે. જેના આધારે ક્રાઈમ બ્રાન્ચની ટીમે ચરસની ડીલ કરવા પહોંચેલા 2 શખ્સો સહિત 3 આરોપીઓની ધરપકડ કરી હતી. 2 શખ્સો મૂળ કાશ્મીરના હતા અને અન્ય એક શખ્સ ડિલિવરી લેવા આવ્યો હતો, જેનું નામ હર્ષ શાહ છે અને તે દરિયાપુરનો રહેવાસી છે.
10 કિલો ચરસ સાથે પોલીસે 2 કાશ્મીરી સહિત 3 આરોપીની કરી ધરપકડ
ક્રાઈમ બ્રાન્ચની તપાસમાં સામે આવ્યું હતું કે આરોપી હર્ષ શાહ દષ વર્ષથી ચરસનો ધંધો કરે છે. કાશ્મીરી યુવકો ચરસની ડિલિવરી કરવા માટે આવ્યા હતા. કાશ્મીરી યુવકો કાશ્મીરથી અજમેર સુધી ગાડીમાં આવ્યા હતા બાદમાં પોલીસને શંકા ન જાય તે માટે ગાડીને પ્રાઇવેટ પાર્કિંગમાં મુકી પોતે ટ્રાવેલ્સ મારફતે અમદાવાદ આવ્યા હતા. ડીલ સમયે જ ક્રાઈમ બ્રાન્ચે પર્દાફાશ કર્યો હતો અને આરોપીઓની ધરપકડ કરી હતી.
