મુંબઈ : દેશની અગ્રણી ઓટો મેન્યુફેક્ચરિંગ કંપની Tata Motors એ તેની પાવરફુલ હેચબેક કાર Altroz ના 2 નવા વેરિઅન્ટ લોન્ચ કર્યા છે. આજે કંપનીએ આ બંને વેરિઅન્ટના નામ અને કિંમતની જાહેરાત કરી છે. Tata Motors એ તેના સોશિયલ મીડિયા હેન્ડલ પરથી આ અંગે માહિતી આપી હતી. Tata Motors એ Altroz પોર્ટફોલિયોમાં XM અને XM(S) વેરિઅન્ટ લોન્ચ કર્યા છે.
પ્રીમિયમ કારઃ આ બંને વેરિઅન્ટની એક્સ-શોરૂમ કિંમત રૂ. 6.90 લાખ અને રૂ. 7.35 લાખ છે. Tata Motors એ માહિતી આપી હતી કે, Altroz XM(S)માં ઇલેક્ટ્રિક સનરૂફનો વિકલ્પ પણ ઉપલબ્ધ હશે. ઉલ્લેખનિય છે કે, આ નવા વેરિઅન્ટની કિંમત જોતા આ કાર દેશની સસ્તી પ્રીમિયમ હેચબેક કાર સાબિત થઈ શકે છે.
દમદાર એન્જિન : Altroz ના 2 નવા વેરિઅન્ટ Altroz XM અને XM(S) વેરિઅન્ટ Altroz XE અને XM+ વચ્ચે રાખવામાં આવશે. જેમાં અન્ય કારની કિંમત સામે ખૂબ સારી સુવિધા ઉપલબ્ધ હશે. ઉલ્લેખનિય છે કે, આ બંને વેરિઅન્ટમાં મેન્યુઅલ ટ્રાન્સમિશન સાથે 1.2 લિટર રેવોટ્રોન પેટ્રોલ એન્જિન ઉપલબ્ધ હશે. Altroz XM વેરિઅન્ટમાં હાઈ અને પાવરફુલ ફીચર્સ આપવામાં આવ્યા છે.
પ્રીમિયમ ફિચર : Tata Motors દ્વારા આપવામાં આવેલી માહિતી મુજબ આપ Tata Altroz XM માં સ્ટિયરિંગ-માઉન્ટેડ કંટ્રોલ, ડ્રાઈવર સીટ હાઈટ એડજસ્ટર, ઇલેક્ટ્રિકલી એડજસ્ટેબલ ORVM, R16 ફુલ વ્હીલ કવર્સ અને પ્રીમિયમ લુક ધરાવતું ડેશબોર્ડનો અનુભવ કરી શકશો. ઉપરાંત આ વેરિએન્ટમાં ઇલેક્ટ્રિક સનરૂફની સુવિધા આપવામાં આવશે. આ ઉપરાંત ગ્રાહકો ટાટા મોટર્સ એસેસરીઝ કેટેલોગમાંથી તેમની પસંદગીની ઇન્ફોટેનમેન્ટ સિસ્ટમ પણ મેળવી શકે છે.
પાવર વિન્ડોઃ કંપનીએ વધુમાં જણાવ્યું કે, હવે Altroz માં 4 પાવર વિન્ડો અને રિમોટ કી લેસ એન્ટ્રી પણ ઉપલબ્ધ થશે. કારના તમામ મેન્યુઅલ પેટ્રોલ વેરિઅન્ટમાં આ ફીચર સ્ટાન્ડર્ડ ફીચર તરીકે મળશે. આ ઉપરાંત 9 ઈંચની ટચસ્ક્રીન ઇન્ફોટેનમેન્ટ સિસ્ટમની સુવિધા પણ ઉપલબ્ધ હશે.
સ્પર્ધા વધશે : ભારતીય બજારમાં અન્ય કંપનીઓને ટક્કર આપવા Tata Motors અત્યાધુનિક ફીચર્સ સાથે નવી ગાડી લોન્ચ કરી રહી છે. તેવામાં હવે ટાટા મોટર્સે Altroz ના 2 નવા વેરિયન્ટ નવા ફીચર્સ સાથે લોન્ચ થયા છે. આ નવા વેરિઅન્ટની કિંમત જોતા આ કાર દેશની સસ્તી પ્રીમિયમ હેચબેક કાર સાબિત થઈ શકે છે.
