અમદાવાદ: બે દિવસના ઘટાડા બાદ મંગળવારે ભારતીય શેરબજારમાં તેજી પાછી આવી છે. સપ્તાહના બીજા કારોબારી દિવસે સેન્સેક્સ147 પોઈન્ટ વધીને 66,424.88 પોઈન્ટ વધીને 66,531 પર ખુલ્યો હતો. જ્યારે નિફ્ટીમાં પણ 57 પોઈન્ટ વધીને 19,697.35 પોઈન્ટ પર ટ્રેડ થયો હતો. આ સમયગાળા દરમિયાન ઓટો, મેટલ, પીએસયુ બેંક ઇન્ડેક્સ સહિતના ફાર્મા શેરોમાં ખરીદી, જ્યારે એફએમસીજી અને આઇટી સેક્ટરના શેરોમાં વેચવાલી જોવા મળી રહી છે.
આ ક્ષેત્રોમાં ખરીદી: માર્કેટની તેજીમાં ઓટો, મેટલ, પીએસયુ બેંક ઈન્ડેક્સ અને ફાર્મા શેરોમાં તેજી જોવા મળી રહી છે. જ્યારે એફએમસીજી અને આઈટી શેરોમાં વેચવાલી જોવા મળી રહી છે. આ પહેલા સોમવારે BSE સેન્સેક્સ 299 પોઈન્ટ ઘટીને 66,384 પર બંધ થયો હતો. સેન્સેક્સમાં સમાવિષ્ટ શેરોમાં મજબૂત કાર્યવાહી જોવા મળી રહી છે. પરિણામો પહેલા ટાટા મોટર્સના શેરમાં જોરદાર ખરીદી જોવા મળી રહી છે. આ સ્ટોક ઈન્ડેક્સનો ટોપ ગેનર છે, જ્યારે હોટેલ બિઝનેસના ડિમર્જરની જાહેરાતને કારણે ITCમાં વેચવાલી ચાલુ છે.
