નવી દિલ્હી: પેટ્રોલ અને ડીઝલના ભાવમાં બુધવારે સતત અગિયારમાં દિવસે વધારો થયો છે. દેશની રાજધાનીમાં બુધવારે એક લિટર પેટ્રોલ 55 પૈસા વધીને 77.28 રુપિયા જ્યારે 60 પૈસા વધીને 75.79 રૂપિયા થઈ ગયું છે.
આંતરરાષ્ટ્રીય બજારમાં ક્રૂડ ઓઇલના ભાવમાં નરમાઈ હોવા છતાં સ્થાનિક બજારમાં પેટ્રોલ અને ડીઝલની કિંમતોમાં સતત વધારો જોવા મળી રહ્યો છે. આજે ફરી બંને ઇંધણના ભાવ વધ્યા છે. છેલ્લા 11 દિવસમાં પેટ્રોલ 6 રૂપિયા પ્રતિ લિટર મોંઘુ થઈ ગયું છે. તે જ સમયે, ડીઝલના ભાવમાં પણ લિટર દીઠ 6.40નો વધારો થયો છે.
દરરોજ સવારે છ વાગ્યે પેટ્રોલ અને ડીઝલના ભાવમાં ફેરફાર થાય છે. નવા દરો સવારે 6 વાગ્યાથી લાગુ થાય છે.
વિદેશી ચલણ દરની સાથે આંતરરાષ્ટ્રીય બજારમાં ક્રૂડના ભાવ શું છે તેના આધારે પેટ્રોલ અને ડીઝલના ભાવ દરરોજ બદલાય છે. આ ધોરણોના આધારે, તેલ કંપનીઓ દરરોજ પેટ્રોલ રેટ અને ડીઝલ દર નક્કી કરવાનું કામ કરે છે.
