નવી દિલ્હી: રેલવે પ્રધાન પિયુષ ગોયલે સોમવારે કહ્યું કે, આ ક્ષેત્રમાં ઉદ્યોગો માટે ઘણી તકો છે, કેમ કે મંત્રાલય રેલ રૂટ અને પાર્સલ ટ્રેનો ભાડે આપવા તૈયાર છે.
રેલવે પ્રધાન પિયુષ ગોયલે કહ્યું કે, ગયા વર્ષે રેલવેમાં ભાડા દલાલીનું કામ 95 ટકા થઈ ગયું છે. તેમણે કહ્યું કે રેલવે હવે ખાનગી ક્ષેત્રે 150 પેસેન્જર ટ્રેનો શરૂ કરવા જઈ રહી છે અને આ યોજના માટે ઇચ્છુક એકમોને આમંત્રણ અપાયું છે.
ગોયલે ઉદ્યોગમંડલ CII દ્વારા આયોજીત એક ઑનલાઇન કાર્યક્રમમા કહ્યું, "ખાનગી ક્ષેત્રો અનેક રીતે સહયોગ કરી શકો છે. "
તેમણે કહ્યું, "જો તમે ઇચ્છો તો અમે તમારી સાથે નવી લાઇનમાં રોકાણ કરવા પણ તૈયાર છીએ. અમે ટ્રાફિક રૂટ ભાડે આપવા તૈયાર છીએ, અમે પાર્સલ ટ્રેનોને ભાડે આપવા તૈયાર છીએ. તેથી, ખાનગી ક્ષેત્ર માટે ઘણી તકો છે. "
તેમણે કહ્યું હતું કે ખાનગી ક્ષેત્ર રાષ્ટ્રીય ધોરીમાર્ગો સાથે એલિવેટેડ કોરિડોર પર વિચાર કરી શકે છે, કેમ કે આમા જમીન ખરીદવાનું કોઈ પડકાર નહીં હોય. પ્રધાને એમ પણ કહ્યું હતું કે, ગયા વર્ષે 21 જૂનની તુલનામાં રેલવે લગભગ 95 ટકા ભાડુ લઈ જવામાં સફળ રહ્યું છે.
તેમણે આશા વ્યક્ત કરી કે મંત્રાલય ભવિષ્યમાં ભાડુ સસ્તું કરી શકે છે. આ સિવાય તેમણે કહ્યું હતું કે રવિવાર સુધી ભારતીય રેલવેએ 4,553 મજૂર વિશેષ ટ્રેનો ચલાવી છે અને તેમની સંખ્યા સતત ઓછી થઈ રહી છે.
પ્રધાને કહ્યું, "મે 31થી 21 જૂન સુધીમાં 10 ટકાથી વધુનો ઘટાડો થયો છે. ગઈકાલે (રવિવારે) આવી માત્ર ત્રણ ટ્રેનો દાડાવવામાં આવી હતી. તેમની માંગ પૂરી થઈ છે. અમે તે તમામને મોકલ્યા જેઓ પાછા, સ્વદેશ જવા માંગતા હતા. અત્યાર સુધીમાં લગભગ 75 લાખ સ્થળાંતર મજૂરો આ ટ્રેનો સાથે મુસાફરી કરી ચૂક્યા છે. "
તેમણે કહ્યું કે રેલવેએ નિયમિત રૂટ પર 230 ટ્રેનો શરૂ કરી છે. તે ભરાઇને જઇ રહી નથી, કારણ કે લોકો હજી યાત્રા કરવામાં અચકાઇ રહ્યા છે.
