રિલાયન્સ ઇન્ડસ્ટ્રીઝ 9 લાખ કરોડ રૂપિયાના માર્કેટ કેપ વાળી દેશની નંબર 1 કંપની

નવી દિલ્હી: રિલાયન્સ ઇન્ડસ્ટ્રીઝે શુક્રવારે ઇતિહાસ રચ્યો. 9 લાખ કરોડ રૂપિયાના માર્કેટ કેપિટલાઇઝેશન સ્તરને સ્પર્શતી દેશની આ પહેલી કંપની બની છે.

સવારના ટ્રેડિંગ સેશનમાં બીએસઈ પર કંપનીનું માર્કેટ કેપિટલાઈઝેશન 9,01,490.09 કરોડ પર પહોંચ્યું હતું.

કંપનીના ત્રિમાસિક પરિણામની જાહેરાત પહેલાં તેનો શેર 2.28 ટકા વધીને 1,428 રુપિયા પર પહોંચ્યો હતો.

આ પહેલા ઓગસ્ટ 2018 માં, રિલાયન્સે આઠ લાખ કરોડ રૂપિયાના માર્કેટ કેપિટલાઇઝેશન સ્તરને સ્પર્શીને દેશની પ્રથમ કંપનીનો રેકોર્ડ બનાવ્યો હતો.

જાન્યુઆરીથી હાલ સુધી શેર્સમાં 26%નો આવ્યો ઉછાળો આવ્યો છે. કંપનીઓનું માર્કેટ કેપિટલાઇઝેશન, શેર બજારોમાં તેના શેરોની કિંમત અને તેના પર દરરોજ બદલાવ પર આધારિત છે.