આંકડા પર નજર કરીએ તો એપ્રિલમાં ઈંડા અને ચીકનનો મોંઘવારી દર 5.84 ટકાથી વધી 6.94 ટકા રહ્યો છે. એવી જ રીતે બટાટાનો મોંઘવારી દર 1.30 ટકાથી ઘટી માઈનસ 17.15 ટકા પર આવી ગયો છે. જ્યારે શાકભાજીનો મોંઘવારી દર 28.13 ટકાથી વધી 40.65 ટકા પર પહોંચી ગયો છે.
આ પહેલા સોમવારે રીટેઈલ મોંઘવારી દરના આંકડા જાહેર થયા હતા. તે મુજબ એપ્રિલમાં ખાદ્ય પદાર્થો અને ઈંધણની કીમતો વધવાને કારણે એપ્રિલમાં રીટેઈલ મોંઘવારી દરમાં વધારો થયો હતો. એપ્રિલમાં રીટેઈલ મોંઘવારી દર 2.92 ટકા નોંધાયો હતો. જ્યારે વીતેલા મહિને માર્ચમાં 2.86 ટકા હતો. વાર્ષિક આધાર પર સરખામણી કરીએ તો તેમાં ઘટાડો થયો છે, વીતેલા વર્ષે એપ્રિલમાં મોંઘવારી દર 4.58 ટકા રહ્યો હતો.
એપ્રિલમાં શાકભાજી, ઈંડા, માસ અને માછલીઓના ભાવમાં વધારો થયો છે, જેથી વાર્ષિક આધાર પર મોંઘવારી દરમાં વધારો થયો છે. પણ સામે દાળ અને ખાંડના ભાવ ઘટ્યા છે.
