નવી દિલ્હી: ટેલિકોમ ઇક્વિપમેન્ટ્સની મોટી ઉત્પાદક કંપની નોકિયાને ભારતી એરટેલ પાસેથી 4 G ડિવાઇસ માટે 7,500 કરોડ રૂપિયાનો કરાર મળ્યો છે. આ અંતર્ગત કંપનીએ નવ દેશોના નવ ટેલિકોમ સર્કલમાં 4 G ઉપકરણો સ્થાપિત કરવાના છે.
ભારતી એરટેલે નેટવર્ક ક્ષમતા અને ગ્રાહકોની સુવિધાને વધુ સારી બનાવા માટે આ કરાર કર્યો છે.
એરટેલે આ નવ ટેલિકોમ સર્કલોમાં નોકિયાના સિંગલ રેડિયો એક્સેસ નેટવર્ક ટેકનોલોજી માટે ઘણા વર્ષો માટે કરારની જાહેરાત કરી છે. સૂત્રોના જણાવ્યા અનુસાર આ કરારની કિંમત આશરે 7,500 કરોડ રૂપિયા છે.
એરટેલે એક નિવેદનમાં જણાવ્યું છે કે આ ઉપકરણો ભવિષ્યમાં 5G સેવાઓ પહોંચાડવામાં મદદ કરશે.
આ અંતર્ગત, એરટેલના આ નવ સર્કલોમાં લગભગ ત્રણ લાખ રેડિયો નેટવર્ક નેટવર્ક સ્થાપિત કરવામાં આવશે.
