- 2 થી 18 વયજૂથ પર પરીક્ષણના આંકડા થશે પ્રકાશિત
- બાળકોને ઝડપથી રસી મળે તેવી શક્યતા
- બાળકોના અભ્યાસ પર પડી છે અસર
દિલ્હી: એઇમ્સના પ્રમુખ ડૉ. રણદીપ ગુલેરિયાએ જણાવ્યું છે કે ભારત બાયોટેકની રસી કોવેક્સીનના 2 થી 18 વર્ષના વયજૂથ પરના પરીક્ષણના આંકડા સપ્ટેમ્બર સુધીમાં આવે તેવી શક્યતા છે. તેમણે એવું પણ જણાવ્યું હતું કે ડ્રગ રેગ્યુલેટરની મંજૂરી બાદ ભારતમાં તે સમયગાળામાં બાળકોને કોવિડ-19ની રસી આપી શકશે
ઝાયડસની રસીને મળી શકે છે મંજૂરી
ડૉ. ગુલેરિયાએ જણાવ્યું હતું કે ફાઇઝરની રસીને મંજૂરી મળી ગઇ તો તે પણ માટે એક વિકલ્પ હોઇ શકે છે. સરકારના એક અધિકારના જણાવ્યા અનુસાર ઝાયડસ કેડિલાએ પણ ડ્રગ કંટ્રોલર જનરલ ઑફ ઇન્ડિયા સમક્ષ પોતાની કોવિડ - 19ની રસીના ઉપયોગની મંજૂરી માંગી છે. તેને મંજૂરી મળે તેવી આશા છે. કંપનીએ દાવો કર્યો છે કે રસી બાળકો અને વયસ્કોને આપી શકાશે. ડૉ. ગુલેરીયાએ જણાવ્યું કે જો ઝાયડસની રસીને મંજૂરી મળશે તો તે પણ એક વિકલ્પ બનશે.
બાળકોના અભ્યાસ પર પડી છે અસર
તેમણે એવો પણ ઉલ્લેખ કર્યો છે કે જો બાળકોમાં કોવિડ - 19ના હલકા લક્ષણો હોય અથવા કોઇ બાળકોમાં લક્ષણ ન પણ હોય તેમ છતાં તેઓ કોવિડનો વાહક બની શકે છે. છેલ્લા દોઢ વર્ષમાં કોવિડ - 19ના કારણે બાળકોના અભ્યાસને મોટાપ્રમાણમાં નુકસાન થયું છે. આથી જો સ્કૂલ ખોલવી હશે તો રસીકરણ મહત્વની ભૂમિકા ભજવી શકે છે. ડૉ. ગુલેરિયાએ જણાવ્યું હતું કે મહામારીમાંથી બાહર આવવાનો રસ્તો રસીકરણ જ છે. સરકારે થોડા સમય પહેલાં જ ચેતવણી આપી હતી કે હજી સુધી તો બાળકોને મોટા પ્રમાણમાં નુકસાન થયું નથી પણ આ વાઇરસ વ્યાપક રૂપે ફેલાઇ પણ શકે છે. આથી આ સ્થિતિનો ઉકેલ લાવવા માટેની તૈયારીઓ કરવી જોઇએ.
આ પણ વાંચો: ભારતમાં કોવિડ-19 ત્રીજી લહેરને લઇને તૈયારીઓ શરૂ
