આગને કાબૂમાં લેતા વનપ્રધાન હરક સિંહ થયા ઇજાગ્રસ્ત, મહિલા વનકર્મી પણ આગની ઝપેટમાં

વન વિભાગના કર્મીઓ આજકાલ જંગલોમાં લાગેલી આગને કાબૂમાં લેવાનો પ્રયાસ કરી રહ્યા છે. તે જ સમયે, વનપ્રધાન હરકસિંહ રાવત પણ પૌડી જતા સમયે રસ્તા પર ઉતરીને જંગલમાં લાગેલી આગને કાબૂમાં કરવાં આવી ગયા હતા. આથી, આગને કાબૂમાં લેતા હરકસિંહ રાવત ઇજાગ્રસ્ત થયા હતા.

• ગઢવાલના નરેન્દ્રનગર રેન્જના જંગલોમાં આગની ઘટના
• વાયુસેનાના હેલિકોપ્ટર આગને કાબૂમાં લેવાનો પ્રયાસ કરી રહ્યા છે
• આગ કાબૂમાં લેતા મહિલા વનકર્મીના માથા પર ઇજા પહોંચી

શ્રીનગર: રાજ્યના જંગલમાં આજકાલ આગ લાગવાલી ઘટના સામે આવી રહી છે. ત્યારે, કેન્દ્ર સરકાર દ્વારા મોકલવામાં આવેલા વાયુસેનાના હેલિકોપ્ટર આગને કાબૂમાં લેવાનો પ્રયાસ કરી રહ્યા છે. ગઢવાલના નરેન્દ્રનગર રેન્જમાં સવારે 9 વાગ્યે આગને કાબૂમાં લેવાની કામગીરી 1 વાગ્યા સુધી ચાલુ હતી. તેમાંથી વનપ્રધાન હરકસિંહ રાવત પણ સક્રિય દેખાયા. પૌરી તરફ જતાં સમયે વન પ્રધાન SSB ફાયર રેન્જમાં સળગતા જંગલોને જોતા તેમના વાહન પરથી નીચે ઉતર્યા હતા અને આગને કાબૂમાં લેવાનું કામ શરૂ કર્યું હતું. આ દરમિયાન હરકસિંહ રાવતને પણ તેના હાથમાં ઈજા પહોંચી હતી. તે જ સમયે, મહિલા વનકર્મીના માથા પર પણ ઇજા પહોંચી હતી.

આ પણ વાંચોઃ ઉત્તરાખંડના જંગલોની આગ બૂઝવવામાં એરફોર્સનું હેલિકોપ્ટર મોકલાશે

વનકર્મીઓ પાસે સંસાધનોની અછત

ETV ભારત પહેલેથી જ સમાચાર બતાવી રહ્યું હતું કે, વન વિભાગ કેવી રીતે પોતાના સંસાધનોનો ઉપયોગ કરી રહ્યું છે. વનકર્મીઓ પાસે સંસાધનોની અછત છે. પરિણામે, શ્રીનગરમાં વનાગ્ની પર કાબૂ મેળવતા વનપ્રધાન હરકસિંહ રાવતને તેના હાથ પર ઈજાઓ પહોંચી હતી, જ્યારે એક મહિલા વનકર્મી પણ ઘાયલ થઈ હતી.

આ પણ વાંચોઃ ઉજ્જૈનની પાટીદાર હોસ્પિટલમાં આગ, 90થી વધુ દર્દીઓને શિફ્ટ કરાયા

આગને બૂઝવવામાં વન વિભાગ નિષ્ફળ

પિથોરાગઢ જિલ્લાના જંગલોમાં છેલ્લા કેટલાક દિવસોથી લાગેલી આગને બૂઝવવામાં વન વિભાગ નિષ્ફળ નીવડ્યું છે. જ્યારે કેટલાક સ્થળો પર તો લોકોના ઘર સુધી આગ પહોંચી ગઈ છે. રવિવારે મોડી રાતે તાલુકાની ઓફિસ સુધી આગ પહોંચી ગઈ હતી. જ્યારે ખિતોલી, ભરાડી, ત્રિપુરાદેવી, રાઈઆગર, દેવીનગર, ઉડિયારી બેન્ડ, જયનગર, પાંખુ સહિત અન્ય વિસ્તારોમાં પણ ઘણા દિવસોથી આગ લાગી છે.

આગ લગાવનારા સામે કાર્યવાહી થશેઃ બેરીનાગ SDM

બેરીનાગમાં SDMના ઘરથી થોડીક જ દૂર જંગલોમાં આગ લાગતા જોતા SDM અજયપ્રતાપ સિંહ પોતાના પરિવારની સાથે આગ બૂઝવવા પહોંચ્યા હતા. કલાકો સુધી મહેનત કર્યા બાદ આગ પર કાબૂ મેળવવામાં આવ્યો હતો. SDMએ જણાવ્યું કે, આગ લગાવનારા લોકો સામે કાર્યવાહી કરાશે.

ગોપેશ્વરના નવા બસ સ્ટેશન પાસે રહેણાંક મકાનો પણ આગની ઝપેટમાં આવ્યા

જિલ્લા મુખ્યાલય ગોપેશ્વરના નવા બસ સ્ટેશન પાસે રહેણાંક જગ્યા પાસે સોમવારે અચાનક આગ લાગી, જે રહેણાંક ઘરો તરફ અને ટ્રાન્સફોર્મર તરફ ઝડપથી ફેલાવવા લાગી. અહીં ફાયર વિભાગની ટીમ સમયસર પહોંચીને આગ પર કાબૂ મેળવ્યો હતો.