બેંગલુરુ: કર્ણાટક પોલીસે મંગળવારે રૂપિયા 57 લાખની કિંમતની સ્માર્ટવોચની ચોરી કરનાર બે શખ્સોની ધરપકડ કરી હતી. આરોપીઓએ બાઈકને ટેમ્પા સાથે અથડાવી હતી અને તેના પર હુમલો કરીને લૂંટ કરી હતી.
57 લાખની કિંમતની સ્માર્ટ વોચની લૂંટ: આરોપીઓની ઓળખ જમીર અહેમદ (28) અને સૈયદ શહીદ (26) તરીકે થઈ છે. પોલીસ સૂત્રોના જણાવ્યા અનુસાર, 15મી જાન્યુઆરીએ જયદીપ એન્ટરપ્રાઈઝના વેરહાઉસમાં કામ કરતા જ્હોન અને બિશાલ કિસન નામના બે શખ્સોનો અન્ય બે શખ્સોએ પીછો કર્યો હતો, જેઓ બાઇક પર આવ્યા હતા અને આરઆર નગરના જવેરગઢડા નગર પાસે તેમનો ટેમ્પો રોક્યો હતો. તેઓએ જ્હોન અને બિશાલ પર હુમલો કર્યો અને 57 લાખની કિંમતની 1,282 સ્માર્ટવોચના 23 બોક્સ સાથે તેમનો ટેમ્પો ઉઠાવી ગયા. આ અંગે બન્નેએ આરઆર નગર પોલીસ સ્ટેશનમાં ફરિયાદ નોંધાવી હતી.
વાહનની નાની ટક્કર બાદ હુમલો: પોલીસે જણાવ્યું કે, આરોપીઓએ વાહનની નાની ટક્કર બાદ હુમલો કર્યો અને લૂંટ કરી હતી. ટેમ્પો બાઇક સાથે અથડાયો હતો ત્યારબાદ બંને આરોપીઓ ટેમ્પોની પાછળ આવ્યા હતા અને તેમના પર હુમલો કર્યો હતો. તદુપરાંત, તેઓએ તેમનો ટેમ્પો સહિત રૂપિયા 57 લાખની કિંમતની સ્માર્ટવોચ સાથે લઈ ગયા. પોલીસે જણાવ્યું હતું કે બંને આરોપીઓેને ઝડપી લેવામાં આવ્યા છે.
આ પણ વાંચો: Tamilnadu Bank Robbery: થુનીવુ ફિલ્મ સ્ટાઈલથી ધોળા દિવસે બેંક લૂંટવાનો પ્રયાસ
ટેમ્પો મૂકીને ફરાર: એડિશનલ કમિશનર ઓફ પોલીસ, સંદીપ પાટીલે જણાવ્યું હતું કે ફરિયાદીનો ટેમ્પો આરઆર નગરમાં બાઇક સાથે અથડાઈ ગયો. આનાથી નારાજ થઈને, આરોપીઓએ ટેમ્પોનો પીછો કર્યો અને તેમના પર હુમલો કર્યો. તેઓએ વાહનમાંથી લાખો રૂપિયાની ઘડિયાળો લઈ લીધી. બાદમાં, તેઓએ ટેમ્પો તે જ જગ્યાએ છોડી દીધો. અને ભાગી ગયા. આરોપીઓ સામે અગાઉ કોઈ ફોજદારી કેસ નોંધાયા નથી.
આ પણ વાંચો: MH Zaveri Bazaar Loot: નકલી ED અધિકારીઓએ ફિલ્મી સ્ટાઈલથી 2 કરોડની લૂંટ કરી
આવી જ એક ઘટનામાં, જાન્યુઆરીમાં ગુજરાતમાં અમદાવાદના જમાલપુર વિસ્તારમાં બની હતી. સ્કૂટી પર સવાર વ્યક્તિએ ખાનગી પેઢીના કર્મચારી પર હુમલો કર્યો હતો અને આશરે રૂપિયા 25 લાખની લૂંટ કરી હતી. આ અંગે અમદાવાદ શહેર પોલીસના ઝોન 3 ડીસીપી સુશીલ અગ્રવાલે જણાવ્યું હતું કે ગુનામાં સંડોવાયેલા આરોપીઓને પકડવા માટે જુદી જુદી ટીમો તૈનાત કરવામાં આવી છે.
