ઉત્તરાખંડ : આવારા તત્વોએ ડોઇવાલા રેલ્વે સ્ટેશનની આગળ ટ્રેનને અથડાવવાનો પ્રયાસ કર્યો હતો. પરંતુ પાઇલટની સતર્કતાને કારણે, તેમની યોજના સફળ થઈ શકી નહીં. જો પાયલોટે સમયસર ઈમરજન્સી બ્રેક ન લગાવી હોત તો લાહોરી એક્સપ્રેસ ટ્રેન પાટા પરથી ઉતરી શકી હોત.
ટ્રેન પલટાવવાનો પ્રયાસ 4 ઓક્ટોબરની રાત્રે, રેલવે ટ્રેક પર લગભગ 20 ફૂટ લાંબી લોખંડની પાઇપ બાંધી દીધી હતી. આ દરમિયાન દેહરાદૂનથી અમૃતસર જઈ રહેલી લાહોરી એક્સપ્રેસ જેવી જ ડોઈવાલા ક્રોસ કરી તો આ પાઈપ ટ્રેનના પૈડામાં ફસાઈ ગઈ હતી. યોગ્ય સમયે તત્પરતા દાખવતા, પાયલોટે ઇમરજન્સી બ્રેક લગાવી હતી. જેના કારણે મોટી દુર્ઘટના ટળી હતી. પોલીસે આ મામલે અજાણ્યા શખ્સો સામે ગુનો નોંધી તપાસ શરૂ કરી છે.
આવારા તત્વો વિરોધ પોલિસ ફરિયાદ રેલવેના સિનિયર સેક્શન એન્જિનિયર રાકેશ ચંદે આ મામલે ફરિયાદ નોંધાવી છે. તેમણે જણાવ્યું કે, દેહરાદૂન-અમૃતસર લાહોરી એક્સપ્રેસ મંગળવારે રાત્રે 8:37 વાગ્યે દૂનથી નીકળી હતી. જ્યારે ટ્રેન ડોઇવાલાથી આગળ રેલ્વે ફાટક નંબર 26 અને 27 ની વચ્ચેથી પસાર થઈ રહી હતી, ત્યારે ટ્રેનના લોકો પાયલટે જોયું કે રેલ્વે ટ્રેક પર એક વિશાળ લોખંડનો પાઈપ પડ્યો હતો. તે દરમિયાન ટ્રેનની સ્પીડ લગભગ 35 કિમી કલાક હતી. જેના કારણે લોકો પાયલોટને ઈમરજન્સી બ્રેક લગાવવાનો સમય મળ્યો અને મોટી દુર્ઘટના ટળી ગઈ.
40 મિનિટ ટ્રેન રોકાઇ જો કે તેમ છતાં લોખંડનો પાઈપ ટ્રેનના વ્હીલમાં ફસાઈ ગયો હતો. જેના કારણે ટ્રેન લગભગ 40 મિનિટ સુધી ઉભી રહી હતી. ઈમરજન્સી બ્રેક લગાવ્યા બાદ લોકો પાયલટે ઉતાવળમાં રેલવે અને પોલીસ અધિકારીઓને જાણ કરી હતી. જે બાદ રેલવે, આરપીએફ અને જીઆરપીના અધિકારીઓ, કર્મચારીઓ તાત્કાલિક ઘટનાસ્થળે પહોંચી ગયા હતા. 40 મિનિટના પ્રયત્નો પછી, પાઈપને વ્હીલમાંથી દૂર કરી શકાય છે. જે બાદ ટ્રેન રવાના થઈ હતી.
અધિકારીએ આપી પ્રતિક્રિયા સિનિયર સેક્શન એન્જિનિયર રાકેશ ચંદે જણાવ્યું હતું કે રેલવે અધિકારીઓ અને પોલીસકર્મીઓની તપાસ દરમિયાન એવું જાણવા મળ્યું છે કે અરાજક તત્વોએ જાણી જોઈને વીસ ફૂટ લાંબી લોખંડની પાઇપનો એક ભાગ રેલવે ટ્રેક સાથે બાંધ્યો હતો. જ્યારે બીજો ભાગ ઝાડના મૂળ સાથે બાંધવામાં આવ્યો હતો. તે જ સમયે, પોલીસ અને રેલવે અધિકારીઓ દરેક પાસાઓની બારીકાઈથી તપાસ કરી રહ્યા છે.
